SportPress.kz قازاقستان سپورت جاڭالىقتارى
ساۋد ارابيانىڭ ازاماتى ابداللا ءال-سالمي فۋتبولدان كاتاردا ءوتىپ جاتقان الەم چەمپيوناتىنا ءوز كومانداسىن قولداۋ ءۇشىن جاياۋ بارعان.
ول دوحاعا 1600 شاقىرىمدى ارتقا قالدىرا وتىرىپ جەتىپتى. سونىڭ قۇرمەتىنە جانكۇيەرلەر ابداللانى ءسان-سالتاناتپەن كۇتىپ العان.
الەم چەمپيوناتىن كورۋ ابداللا ءال-ءسالميدىڭ بالا كەزدەن بەرگى ارمانى ەكەن. ول ساۋد ارابياسى مەن ارگەنتينا اراسىنداعى ماتچتى وتكىزىپ الماۋعا بەكىنىپ، تۋعان قالاسى دجەددادان دوحاعا دەيىن جاياۋ شىعىپ، 55 كۇن ءجۇرىپ وتىرىپ جەتكەن كورىنەدى.
ساپاردىڭ بار قيىندىعىن ۇمىتىپ تا كەتتىم، — دەيدى جانكەشتى جانكۇيەر.
ال كوپشىلىك 1600 شاقىرىمدى ارتقا تاستاعان ونىمەن سۋرەتكە ءتۇسىپ، قولداۋ ءبىلدىردى.
ەركەعالي بەيسەنوۆ،
استانا
