Fýtbol jankúıeri Katarǵa 1600 shaqyrymdy jaıaý júrip jetken

Saýd Arabııanyń azamaty Abdalla ál-Salmı fýtboldan Katarda ótip jatqan álem chempıonatyna óz komandasyn qoldaý úshin jaıaý barǵan.

Ol Dohaǵa 1600 shaqyrymdy artqa qaldyra otyryp jetipti. Sonyń qurmetine jankúıerler Abdallany sán-saltanatpen kútip alǵan.

Álem chempıonatyn kórý Abdalla ál-Salmıdiń bala kezden bergi armany eken. Ol Saýd Arabııasy men Argentına arasyndaǵy matchty ótkizip almaýǵa bekinip, týǵan qalasy Djeddadan Dohaǵa deıin jaıaý shyǵyp, 55 kún júrip otyryp jetken kórinedi.

Sapardyń bar qıyndyǵyn umytyp ta kettim, — deıdi jankeshti jankúıer.

Al kópshilik 1600 shaqyrymdy artqa tastaǵan onymen sýretke túsip, qoldaý bildirdi.

Erkeǵalı BEISENOV,

ASTANA