Kúresten Álem kýbogyna qatysatyn balýandar anyqtaldy

10-11 jeltoqsan kúnderi AQSh-tyń Aıova shtatyndaǵy Koralvıll qalasynda erkin jáne áıelder kúresinen Álem kýbogy jarysy ótedi.

Bıyl Xtream Arena-da uıymdastyrylatyn beldesýlerde erler men áıelder erkin kúresten alǵash ret bir sport kesheninde jınalyp, shyn myqtyny anyqtaıdy.

Sportty damytý dırekııasynyń baspasóz qyzmeti muhıttyń arǵy betindegi dodada Qazaqstan quramasynan eki ókil baq synaıtynyn málimdedi. Olar — qyzdar arasyndaǵy 72 kelige deıingi salmaqtaǵy álem reıtınginiń kóshbasshysy Jámıla Baqbergenova men erler arasyndaǵy bıylǵy Azııa chempıony Azamat Dáýletbekov (86 keli).

Balýandar álem quramasy sapynda kúresedi. Ár eldiń tańdaýly bozkilem sheberlerinen jasaqtalǵan komanda V tobynda AQSh jáne Qytaı quramalarymen jartylaı fınal joldamasyn sarapqa salady. Al A tobynda Japonııa, Ýkraına men Mońǵolııanyń burymdy balýandary ózara kúsh synasady.

Qytaı quramasy 72 kelige deıingi salmaqta bir ǵana balýan – ıan Degenchagandy (UWW reıtınginde ol 12-orynda tur) jarysqa qatystyrady. Jarys qojaıyny AQSh qyrkúıekte Bel­gradta álem chempıony atanǵan Amıt Elor men Skaılar Ellıson Groteni tańdapty.Serbııa astanasynda Jámıla fınalda dál osy Amıt Elorǵa ese jiberip, kúmis júldege ıe bolǵan edi.

Jámıla bıyl Halyqaralyq kúres federaııasy (UWW) bekitken barlyq salmaqtaǵy álemdik reıtıngti (72 kelige deıingi salmaqta) birinshi orynmen aıaqtaǵany barshaǵa málim. Onyń enshisinde 52 000 upaı bar. UWW erejesi boıynsha, jyldy birinshi orynmen qorytyndylaǵany úshin oǵan Halyqaralyq kúres federaııasy 5 000 AQSh dollary kóleminde syıaqy beredi. Jámıla bıyl birqatar tolaıym tabysqa jetti. Máselen, ol álem chempıonatynda kúmis júldeger bolsa, Azııa birinshiliginde altynnan alqa taqty. Sondaı-aq Bolat Turlyhanov atyndaǵy Gran-prı jarysynda da dara shyqty. Al Islam oıyndarynda qola júldeni qanaǵat tutty.

Al otandasymyzdyń basty qarsylasy – Amıt bir jylda jastar, 23 jasqa deıingiler jáne eresekter arasynda álem chempıonatynda top jarǵan birinshi amerıkalyq balýan.

Álem kýbogynda otandasymyzǵa kimder qarsylas atanbaq? Mońǵolııa osy salmaqtaǵy bet­keustary Davaanasan Enh Amar men Sarnaı Baıarbaatardyń jolyna úmitpen qaraıdy. Ýkraına da óz kóshbasshysy Anastasııa Alpeevaǵa senim artady. Ol qazir reıtıngte 13-satyda tur. 21 jastaǵy balýan bıyl Ispanııada 23 jasqa deıingiler arasyndaǵy álem chempıonatynda qola júldeni ıelengen.

Álem kýbogyn jyl saıyn Halyqaralyq kúres federaııasy (United World Wrestling) uıymdastyrady. Munda álem chempıonatynda jalpy esepte úzdik shyqqan 5 qurama men álem quramasy (ózge quramalardaǵy úzdik balýandardan jasaqtalǵan) kúsh synasady.

Qazaqstandyq kúres jankúıerleri Koralvıll qalasyndaǵy tartysty beldesýlerdi Halyqaralyq kúres federaııasynyń (United World Wrestling) resmı saıtynyń tikeleı efırinen kóre alady.

Dastan KENJALIN,

ASTANA