• Қазақ
  •   
  • Qazaq
  •   
  • قازاق
  •   
  • Рус
  •   

    قازاقستاننىڭ تەننيسشىلەرى فينالعا شىقتى

    قازاقستاننىڭ تەننيسشىلەرى گريگوري لوماكين، ياروسلاۆ پشەنيچنىي مەن تايىر قايرەتدينوۆ حالىقارالىق تۋرنيرلەردىڭ ءفيناليسى اتاندى.

    لوماكين جۇپتىق سىندا برازيليالىق يگور حيمەنەسپەن بىرگە ۆاكاريادا (برازيليا) وتكەن ITF جارىسىندا (جۇلدە قورى – 25 مىڭ دوللار) فينالعا دەيىن جەتتى.

    سوڭعى باسەكەدە گريگوري مەن يگور تارتىستى ماتچتا برازيليالىقتار جواو لوۋرەيرو – گۋستاۆو حەيدەگە ەسە جىبەردى. ەسەپ — 6:3، 6:7 (5:7)، 5:10.

    تۇركيادا 14 جاسقا دەيىنگىلەر اراسىندا ءۇشىنشى ساناتتاعى Tennis Europe دوداسىندا پشەنيچنىي مەن قايرەتدينوۆ فينالدا رەسەيلىك كارتتسەۆ پەن تۇركيالىق بايبارىسقا جول بەردى. ەسەپ  – 4:6، 2:6.

    يسپانيادا رافاەل نادال اكادەمياسىندا 12 جاسقا دەيىنگىلەر اراسىندا TEN-PRO Global Junior Tour ءتۋرنيرى مارەسىنە جەتتى. وعان استانا مەن پەتروپاۆل تەننيس مەكتەبىنىڭ تاربيەلەنۋشىلەرى قاتىستى. استانالىق پولينا لازارەنكو ءۇشىنشى ورىنعا كوتەرىلسە، ابىلاي تولەۋباەۆ «ءتۋرنيردىڭ ۇزدىك ويىنشىسى» اتالىمى بويىنشا ارنايى جۇلدەمەن ماراپاتتالدى.

     

    داستان كەنجالين،

    استانا

    پىكىر جازۋ

    Your email address will not be published. Required fields are marked *

    *