Qazaqstannyń tennısshileri fınalǵa shyqty

Qazaqstannyń tennısshileri Grıgorıı Lomakın, Iaroslav Pshenıchnyı men Taıyr Qaıretdınov halyqaralyq týrnırlerdiń fınalısi atandy.

Lomakın juptyq synda brazılııalyq Igor Hımenespen birge Vakarııada (Brazılııa) ótken ITF jarysynda (júlde qory – 25 myń dollar) fınalǵa deıin jetti.

Sońǵy básekede Grıgorıı men Igor tartysty matchta brazılııalyqtar Joao Loýreıro – Gýstavo Heıdege ese jiberdi. Esep — 6:3, 6:7 (5:7), 5:10.

Túrkııada 14 jasqa deıingiler arasynda úshinshi sanattaǵy Tennis Europe dodasynda Pshenıchnyı men Qaıretdınov fınalda reseılik Kartev pen túrkııalyq Baıbarysqa jol berdi. Esep  – 4:6, 2:6.

Ispanııada Rafael Nadal akademııasynda 12 jasqa deıingiler arasynda TEN-PRO Global Junior Tour týrnıri máresine jetti. Oǵan Astana men Petropavl tennıs mektebiniń tárbıelenýshileri qatysty. Astanalyq Polına Lazarenko úshinshi orynǵa kóterilse, Abylaı Tóleýbaev «Týrnırdiń úzdik oıynshysy» atalymy boıynsha arnaıy júldemen marapattaldy.

Dastan KENJALIN,

ASTANA