Bıbisara Asaýbaeva — blı shahmattan eki dúrkin álem chempıony!

Búgin Almaty qalasyndaǵy Balýan Sholaq atyndaǵy sport saraıynda blı shahmattan álem chempıonaty aıaqtaldy, dep habarlady Sportty damytý dırekııasynyń baspasóz qyzmeti.

«Mereke qarsańyzdaǵy sońǵy jarys kúni grossmeısterler úshin ońaı bolǵan joq. Qarbalasqa toly kezdesýler nátıjesinde Bıbisara Asaýbaeva blı shahmattan qatarynan eki dúrkin álem chempıony atandy. Ol barlyq 17 upaıdyń 13-in ıelendi. Byltyr Bıbisara blı shahmattan eń jas álem chempıony atanǵan», — delingen habarlamada.

Bıbisara Asaýbaevanyń ózi jeńisi týraly bylaı dedi:

«Búgin ekinshi ret álem chempıonatynda jeńiske jettim. Byltyr óte senimdi oıyn kórsetip, top jardym. Alaıda, bıyl sondaı jaqsy qarqyn kórsete almadym. Qazir otbasymmen biraz ýaqyt birge bolyp, demalǵym keledi», — dedi ol baspasóz máslıhatynda.

Al erler arasynda norvegııalyq Magnýs Karlsen bıylǵy dodadaǵy ekinshi altyn medalin moınyna taqty.

Osy jerde aıta ketetin bir nárse, eki kún buryn shahmattyń  rapıd túrinen qytaılyq Tan Chjýnı jeńimpaz atansa, oǵan taı-breıkte ese jibergen Dınara Sádýaqasova kúmis medalge ıe boldy. Al qola júlde úndistandyq Savıta Shrıdiń enshisinde ketti.

Erler arasynda Almatyda norvegııalyq Magnýs Karlsenge teń keler shahmatshy tabylmady. Ol 13 týrdan keıin 10 upaı jınap, rapıdten tórt dúrkin álem chempıony atandy (2014, 2015, 2019 ben 2022 jyly). Germanııalyq Vınsent Keımer  kúmis, amerıkalyq Fabıano Karýana qola júldeni ıelendi.

Jalpy, Almatydaǵy aqyl-oı alamanyna 50-den astam eldiń tańdaýly oıynshylary keldi. Bıylǵy chempıonattyń júlde qory –1 mln dollar boldy.

Álem chempıonatyn uıymdastyrýshylar – FIDE men Qazaqstan shahmat federaııasy. Sondaı-aq oǵan Mádenıet jáne sport mınıstrligi men Almaty qalasy ákimdigi qoldaý kórsetti. Barlyq nátıjeni Worldrapidandblitz2022.fide saıtynan kóre alasyzdar.