SportPress.kz قازاقستان سپورت جاڭالىقتارى
ءۇندىستاننىڭ پۋنا قالاسىندا ءوتىپ جاتقان ITF W40 تۋرنيردە الەمدىك رەيتينگتە 483-ورىندا تۇرعان جىبەك قۇلامباەۆا مەن گوزال اينيتدينوۆا (585 WTA) جۇپتىق سىندا شيرەك فينالىنا شىقتى.
وتاندامستارىمىز جاپونيالىقتار ەرينا حاياشي مەن ساكي يمامۋرانى 6:4، 6:4 ەسەبىمەن جەڭدى.
ەندى جىبەك پەن گوزال جارتىلاي فينالعا شىعۋ ءۇشىن وزبەكستاندىق نيگينا ابدۋرايموۆا مەن تايبەيلىك ەن-شۋ لانگپەن كەزدەسەدى.
جەكەلەي سىندا تەننيسشىلەرىمىز ەكىنشى اينالىمنان اسا المادى.
تاعى ءبىر جاڭالىق، اۆستراليادا «مەلبۋرن پارك» ستاديونىنىڭ اتاقتى كورتتارىندا اشىق چەمپيوناتقا ورايلاستىرىلعان Asia-Pacific Elite 14 & Under Trophy جاسوسپىرىمدەر جارىسى ءوتىپ جاتىر. 14 جاستاعى البينا كاكەنوۆا فينالعا شىقتى. «ۆ» توبىندا البينا ءۇش ماتچتا دا جەڭىسكە جەتتى. ەرتەڭ فينالدا ول جاپونيالىق حيكاري يامومموتومەن باس جۇلدەنى ساراپقا سالادى.
داستان كەنجالين،
استانا
