ITF W40 týrnıri: Qazaqstan tennısshileri shırek fınalǵa shyqty

Úndistannyń Pýna qalasynda ótip jatqan ITF W40 týrnırde álemdik reıtıngte 483-orynda turǵan Jibek Qulambaeva men Gózal Aınıtdınova (585 WTA) juptyq synda shırek fınalyna shyqty.

Otandamstarymyz japonııalyqtar Erına Haıashı men Sakı Imamýrany 6:4, 6:4 esebimen jeńdi.

Endi Jibek pen Gózal jartylaı fınalǵa shyǵý úshin ózbekstandyq Nıgına Abdýraımova men taıbeılik En-Shý Langpen kezdesedi.

Jekeleı synda tennısshilerimiz ekinshi aınalymnan asa almady.

Taǵy bir jańalyq, Avstralııada «Melbýrn Park» stadıonynyń ataqty korttarynda ashyq chempıonatqa oraılastyrylǵan Asia-Pacific Elite 14 & Under Trophy jasóspirimder jarysy ótip jatyr. 14 jastaǵy Albına Kákenova fınalǵa shyqty. «V» tobynda Albına úsh matchta da jeńiske jetti. Erteń fınalda ol  japonııalyq Hıkarı Iamommotomen bas júldeni sarapqa salady.

Dastan KENJALIN,

Astana