2030 jylǵy qysqy Olımpıada Shveııada bolýy múmkin —  BAQ

2030 jylǵy qysqy Olımpııa oıyndary Shveııada bolýy múmkin. Bul úshin Shveııanyń Olımpıada komıteti sarapshylardyń jazǵa deıin eldiń Olımpıada jáne Paralımpıada oıyndaryn ótkizý múmkindigin zertteıtinin málimdedi.

Shveııa Olımpıada komıteti tóraǵasynyń mindetin atqarýshy Anders Larssonnyń aıtýynsha, Olımpıada jáne Paralımpıada oıyndaryn ótkizý týraly másele qarastyrylyp jatyr. Eger sarapshylar bir kelisimge kelse, tórt jylda bir ret ótetin dúrmekti dodalardy ótkizýge bolady.

Bizdiń elde iri qysqy jarystardy uıymdastyryp, ótkizý úshin múmkindiktiń bári bar. Sport arenalary jetedi, — dedi ol.

Shveııanyń astanasy Stokgolm qalasynda 1912 jyly qysqy Olımpııa oıyndary bolǵan edi. Odan keıin de 2026 jylǵy Skandınavııa eli Aq oıyndardy  ótkizý úshin ótinim de berip kórgen. Alaıda 2026 jylǵy Olımpıadanyń jalaýy Italııada kóteriletin bolyp sheshildi.

2030 jylǵy qysqy oıyndardy ótkizýge ázirge Shveııadan basqa Japonııanyń Sapporo qalasy men AQSh-tyń Solt-Leık Sıtıi ótinim berip otyr.

Dastan KENJALIN,

ASTANA