Rybakına Dýbaı WTA 1000 týrnıriniń úshinshi aınalymyna shyqty

Qazaqstannyń birinshi, álemniń 10-raketkasy Elena Rybakına tennısten Dýbaıda ótip jatqan WTA 1000 týrnıriniń úshinshi aınalymyna shyqty.

Rybakına ekinshi aınalymda álemniń 26-raketkasy, chehııalyq Marııa Boýzkovamen kezdesip, ony 7:5, 6:2 esebimen utty. Buǵan deıin ekeýi bir-birimen úsh ret kezdesken edi. Sonda Rybakına úsh oıynda da jeńgen boltyn.

Bul joly Rybakına matchty breıkpen bastaǵanymen, Boýzkova tarazy basyn teńestire aldy. Degenmen qazaqstandyq tennıisshi taǵy bir breık jasap, 6:5 esebimen alǵa shyqty. Sosyn setke dop bergende, óz múmkindigin jibergen joq. Esep — 7:5.

Otandasymyz ekinshi partııany da breıkpen bastady. Sodan keıin taǵy bir eıs jasap, matchty jeńispen túıindedi. Esep — 6:2.

Endi Rybakına shırek fınalǵa shyǵý úshin álemniń 6-raketkasy, amerıkalyq Koko Gaýfpen kezdesedi. Ol ekinshi aınalymda reıtıngte 43-orynda turǵan Belarýs ókili Aleksandra Sasnovıchti 6:0, 6:4 esebimen utty.

Dastan KENJALIN,

ASTANA