الەمدىك دودا وتىز سەگىز ەلدىڭ باسىن قوستى

جاقىندا بەلارۋستىڭ استاناسى مينسك قالاسىندا قازاق كۇرەسىنەن وتكەن جەتىنشى الەم چەمپيوناتىنا 38 ەلدىڭ پالۋانى قاتىستى. جارىستا قارا ءناسىلدى سپورتشىلاردىڭ ۇستىنە ءتول كۇرەسىمىزدىڭ كۇرتەشەسىن كيىپ، «باستا»، «توقتا» دەگەن تورەشىلەردىڭ قازاق تىلىندە بەرگەن بۇيرىقتارىنا باعىنىپ، كۇرەسىپ جاتقان ءساتىن كورگەندە كەۋدەڭدى ماقتانىش سەزىمى بيلەيدى ەكەن. الەم چەمپيوناتىنا قاتىسقان مەملەكەتتەردىڭ كوپشىلىگىندە قازاق كۇرەسى فەدەراتسياسى جۇمىس ىستەيدى. كەيبىرىندە ەندى اشىلعالى جاتىر. بۇل دەگەنىمىز – قازاقتىڭ كۇرەسى الەمگە تاراپ جاتىر دەگەن ءسوز. بيىل اشعابادتا جابىق كەشەندە وتكەن ازيا ويىندارى باعدارلاماسىنا كۇرەسىمىز ەنىپ، ءبىر مارقايدىق. كەلەسى جىلى جازعى ازيا ويىندارىنا قازاق كۇرەسى ەنىپ قالۋى عاجاپ ەمەس. بيىل پان امەريكا ويىندارىنان ورىن الىپ جاتىر. 2018 جىلى بۇكىلالەمدىك ويىنداردان بوي كورسەتەدى. افريكادا جىل سايىن قازاق كۇرەسىنەن چەمپيونات ءوتىپ تۇرادى. ايتا بەرسەك، دۇنيەجۇزىلىك قازاق كۇرەسى فەدەراتسياسىنىڭ اتقارىپ جاتقان ءىسى وتە كوپ.
وسى يگى ءىستىڭ باسى-قاسىندا جۇرگەن يسلام ابىشەۆ پەن سەرىك توكەەۆ اعالارىمىزعا، ولارعا قولداۋ كورسەتىپ جۇرگەن تورەشىلەر نۇرلىبەك ەرماعامبەتوۆ، رافاەل حابيروۆ پەن باسقا دا ازاماتتارعا اللانىڭ نۇرى جاۋسىن دەگىمىز كەلەدى. سىزدەر بارشا قازاقتىڭ ءۇمىتىن ارقالاپ جۇرگەن باتىر دا، ەرجۇرەك جاندارسىزدار! سىزدەردىڭ قاجىرلى ەڭبەكتەرىڭىزدىڭ ارقاسىندا ءتول كۇرەسىمىز تۇرلەنىپ كەلە جاتىر. ءبىزدىڭ سوزىمىزگە سەنبەيتىن نەمەسە سەنگىسى كەلمەيتىندەر مينسكىگە كەلگەن ەلدەر ءتىزىمىن تاعى ءبىر شولىپ شىقسا، دۇنيەجۇزىلىك قازاق كۇرەسى فەدەراتسياسىنىڭ دۇرىس باعىتپەن كەلە جاتقانىنا كوزدەرى انىق جەتەدى. العا قازاق ەلى! شارىقتا قازاق كۇرەسى!

تومەندە وقىرماننىڭ نازارىنا بەلارۋستىڭ استاناسى مينسك قالاسىندا قازاق كۇرەسىنەن وتكەن  الەم چەمپيوناتىنا قاتىسقان ەلدەردى ۇسىنىپ وتىرمىز.

1.ازەربايجان
2. ارمەنيا
3. بوتسۆانا
4. برازيليا
5. بولگاريا
6. قىتاي
7. ەستونيا
8. گەرمانيا
9. گرەكيا
10. ءۇندىستان
11. يندونەزيا
12. يراك
13. يزرايل
14. يوردانيا
15. قازاقستان
16. قىرعىزستان
17. لاتۆيا
18. ليتۆا
19. ليۆان
20. مولدوۆا
21. موڭعوليا
22. نيدەرلاندى
23. فيليپپين
24. پولشا
25. زامبيا
26. زيمبابۆە
27. رەسەي
28. سەربيا
29. سلوۆاكيا
30. شري-لانكا
31. وڭتۇستىك افريكا
32. تايلاند
33. تاجىكستان
34. تۇركيا
35. تۇرىكمەنستان
36. ۋكراينا
37. وزبەكستان
38. بەلارۋس

مۇساعالي تاسقاليەۆ