Mańǵystaýlyq jas balýan el chempıonatynda úshinshi oryn aldy

Jetisý oblysy Taldyqorǵan qalasyndaǵy «Jastar» sport kesheninde erkin kúresten 15 jasqa deıingi (U-15) jasóspirimder arasynda ótken Qazaqstan chempıonatynda Saǵynbaı Muhambetalı 41 kg salmaqta synǵa túsip, qola júldege ıe boldy.

Ol boz kilemge bes ret shyǵyp, Túrkistan oblysy, Almaty oblysy, Jetisý oblysynyń palýandaryn aıqyn basymdyqpen jeńip, jartylaı fınalda Almatynyń balýany Damır Qalıden jeńilip, úshinshi oryn úshin beldesýde Batys Qazaqstan oblysynyń ókilin jyqty.

Muhambetalı Beısenbaıuly 2009 jyly 20 shilde kúni Mańǵystaý oblysy Munaıly aýdanynda týǵan. Erkin kúresten sport sheberliginen úmitker. Alǵashqy jattyqtyrýshysy — Elaman Kýrbankýlov. Muhambetalı Almatydaǵy «Shańyraq» respýblıkalyq mamandandyrylǵan mektep-ınternat-koledjiniń 8 synybynda oqıdy.

Áıelder kúresinen (U15) el chempıonatynda júldeger atanǵan Shynaraı Orynǵalı (33 kg) men Asylaı Dáýlet (39 kg) ekinshi oryn, Elmıra Syzdyqova (53 kg), Anastasııa Vorobeva (54 kg) men Mııa Mıkaılova (58 kg)  úshinshi oryn alǵan edi.

Aıbek MUHANOV,

Mańǵystaý oblysy