Islambek Saljanov: «Bizdiń maqsat — qazaq at sportyn álemdik deńgeıge kóterý»

11 naýryz kúniUlttyq sport qaýymdastyǵynyń pezıdenti Islambek Saljanov elimizge arnaıy saparmen kelgen álemdik tanymal jokeı, halyqaralyq jarystardyń birneshe dúrkin jeńimpazy Baýyrjan Myrzabaevpen kezdesti.

Taraptar elimizdegi ulttyq sport túrleri damýynyń qazirgi jaǵdaıy men bul saladaǵy úzdik álemdik tájirıbeni engizý sııaqty máselelerdi talqylady. Sonymen birge, qazir Germanııada turyp jatqan sportshy Eýropa elderindegi qazaq dıasporasy tarapynan ulttyq sport túrlerin nasıhattaýǵa qyzyǵýshylyq bar ekenin jetkizdi.

Ulttyq sport túrleri qaýymdastyǵynyń prezıdenti Islambek Saljanov qaýymdastyqtyń elimizde 2024 jyly ótetin V Dúnıejúzilik kóshpendiler oıyndaryna daıyndyq jumystary týraly aıtyp, tanymal jokeıdi jergilikti sportshylarmen jáne atbegilermen tájirıbe almasýǵa shaqyrdy.

Kezdesý sońynda Islambek Saljanov dańqty sportshyǵa Qaýymdastyq atynan qazaq at sportyn álemde nasıhattaýǵa qosqan úlesi úshin alǵys hat tabys etti.

Baýyrjan Myrzabaev 1992 jyly Almaty oblysy Kerbulaq aýdanyna qarasty Shubar aýylynda dúnıege kelgen.

2009 jyly Chehııada 3 jyldyq jokeıler mektebine tústi. 2012 jyly kásibı shabandoz lıenzııasyn alyp, Chehııada 35 báıgeniń jeńimpazy atandy.

Sonymen birge, álemde eń qyzý báıgeler ótetin Japonııa chempıonattarynyń birneshe márte chempıony ataǵyn jeńip aldy.

2015 jyly Qazaqstan atynan ushqyr báıgeden Eýropa chempıonatyna qatysyp, bas júldeni ıelendi.

2017 jyldan beri Germanııada turyp jatyr. Sol elde 100-den astam báıgeniń jeńimpazy atanyp, nemis tarıhynda buryn-sońdy bolmaǵan rekordty jańartty.

Dastan KENJALIN,

ASTANA