قازاقستان گيمناستشىلارى افروديتا كۋبوگىن جەڭىپ الدى

گرەكيانىڭ استاناسى – افينا قالاسىندا كوركەم گيمناستيكادان VIII «افروديتا كۋبوگى» اتتى حالىقارالىق تۋرنير اياقتالدى. بۇل جارىستا قازاقستاننىڭ كوركەم گيمناستشىلارى التى بىردەي جۇلدەلى ورىنعا يە بولدى.

ميلانا پارفيلوۆا شىعىرشىقپەن جانە دوپپەن ونەر كورسەتۋدە فينالعا جەتىپ، قوس باعدارلامادا دا كۇمىس جۇلدە جەڭىپ الدى. ەريكا جايلاۋوۆا ۇرشىقپەن ونەر كورسەتۋدە قولا جۇلدەگەر اتانسا، شىعىرشىقپەن كورسەتكەن جاتتىعۋدا 7-ءشى، لەنتامەن ونەر كورسەتۋدە 8-ورىننان كورىندى. جاستار اراسىندا ايىم مەيىرجانوۆا لەنتامەن جاتتىعۋ كورسەتىپ، قولا جۇلدەنى يەلەندى. ونىڭ ەنشىسىندە 25.850 بالل بار.

كوماندالىق سايىستا ايدانا شاياحمەتوۆا، اياۋلىم قادىر، ارۋجان قاسەنوۆا، ارۋجان قالساەۆا، اقسۇڭقار ءابدىراحمان، اسەل شۇكىرباي 3+2 باعدارلامادا (3 گيمناست لەنتامەن، ەكەۋى دوپپەن) 25.800 ۇپاي جيناپ، ەكىنشى ورىن الدى. بۇل سىندا گرەكيا گيمناستشىلارى توپ جارسا، اقش قۇراماسى ءۇشىنشى ورىن الدى.

قازاقستان قورجىنىنا سوڭعى مەدالدى توپتىق سايىستا جاستار سالدى. ولاردىڭ فينالداعى لەنتامەن كورسەتكەن باعدارلاماسىنا تورەشىلەر 28.050 بالل بەردى. قازاقستان قۇراماسى يتاليا مەن بولگاريادان كەيىنگى ءۇشىنشى ورىنعا تابان تىرەدى.

داستان كەنجالين،

استانا