Qazaqstan gımnastshylary Afrodıta kýbogyn jeńip aldy

Grekııanyń astanasy – Afına qalasynda kórkem gımnastıkadan VIII «Afrodıta kýbogy» atty halyqaralyq týrnır aıaqtaldy. Bul jarysta Qazaqstannyń kórkem gımnastshylary alty birdeı júldeli orynǵa ıe boldy.

Mılana Parfılova shyǵyrshyqpen jáne doppen óner kórsetýde fınalǵa jetip, qos baǵdarlamada da kúmis júlde jeńip aldy. Erıka Jaılaýova urshyqpen óner kórsetýde qola júldeger atansa, shyǵyrshyqpen kórsetken jattyǵýda 7-shi, lentamen óner kórsetýde 8-orynnan kórindi. Jastar arasynda Aıym Meıirjanova lentamen jattyǵý kórsetip, qola júldeni ıelendi. Onyń enshisinde 25.850 ball bar.

Komandalyq saıysta Aıdana Shaıahmetova, Aıaýlym Qadyr, Arýjan Qasenova, Arýjan Qalsaeva, Aqsuńqar Ábdirahman, Ásel Shúkirbaı 3+2 baǵdarlamada (3 gımnast lentamen, ekeýi doppen) 25.800 upaı jınap, ekinshi oryn aldy. Bul synda Grekııa gımnastshylary top jarsa, AQSh quramasy úshinshi oryn aldy.

Qazaqstan qorjynyna sońǵy medaldi toptyq saıysta jastar saldy. Olardyń fınaldaǵy lentamen kórsetken baǵdarlamasyna tóreshiler 28.050 ball berdi. Qazaqstan quramasy Italııa men Bolgarııadan keıingi úshinshi orynǵa taban tiredi.

Dastan KENJALIN,

ASTANA