قازاقستان فۋتبول فەدەراتسياسىنىڭ وكىلدەرى فيفا كونگرەسىنە قاتىستى

رۋاندانىڭ استاناسى – كيگالي قالاسىندا 73-حالىقارالىق فۋتبول قاۋىمداستىقتارىنىڭ (فيفا) كونگرەسى بولدى. وعان قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ، باس حاتشىسى ولجاس ابراەۆ پەن حالىقارالىق دەپارتامەنت ديرەكتورى ايان ءالجانوۆ قاتىستى. بۇل تۋرالى قازاقستان فۋتبول فەدەراتسياسى حابارلادى.

قازاقستان فۋتبول فەدەراتسياسى حابارلاۋىنشا، كونگرەستىڭ كۇن تارتىبىندە بىلتىرعى جىلدىڭ قورىتىندىسى مەن قارجىلىق ەسەبى قابىلدانىپ، 2024 جىلدىڭ بيۋدجەتى بەكىتىلىپ، 2023-2025 جىلدارعا اۋديتورلار تاعايىندالدى.

قازاقستاندىق دەلەگاتسيا كونگرەستە وزگە ۇلتتىق قاۋىمداستىقتارمەن ىنتىماقتاستىقتى ءارى قاراي نىعايتۋ بويىنشا بىرقاتار ماڭىزدى كەزدەسۋلەر وتكىزدى.

كونگرەستە دجانني ينفانتينو 2027 جىلعا دەيىن فيفا-نىڭ پرەزيدەنتى بولىپ قايتا سايلاندى.

قفف پرەزيدەنتى ادىلەت بارمەنقۇلوۆ دجانني ينفانتينونى جاڭا مەرزىمگە قايتا سايلانۋىمەن قۇتتىقتاپ، الەمدە فۋتبولدى دامىتۋ جولىندا تابىس تىلەدى.

كەلەسى فيفا كونگرەسى 2024 جىلدىڭ 17 مامىرىنا جوسپارلانعان. ونىڭ قاي جەردە جانە قاي كەزدە بولاتىنى كەيىنىرەك بەلگىلى بولادى.

داستان كەنجالين،

استانا