رىباكينا ءوزىنىڭ سىياقىسىن جاس تەننيسشىلەرگە بەردى

قازاقستاننىڭ ءبىرىنشى راكەتكاسى ەلەنا رىباكينا ەلىمىزدىڭ بولاشاعىنان ءۇمىت كۇتتىرەتىن تەننيسشىلەرىنە قارجىلاي قولداۋ كورسەتتى، دەپ حابارلادى Halyq Uni تىلشىسى.

2022 جىلعى ۋيمبلدون تۋرنيرىندەگى جەڭىسىنەن كەيىن قازاقستان ايەلدەر قۇراماسىنىڭ كوشباسشىسى سىياقى قارجىسىنىڭ ءبىر بولىگىن قايىرىمدىلىققا جانە قازاقستانداعى جاستاردى قولداۋعا جۇمسايتىنىنا ۋادە بەرگەن ەدى. تاياۋدا ەلەنا استانادا بۇرالقى جانۋارلاردى قۇتقارۋمەن اينالىساتىن «ستوپوتلوۆ» ەرىكتىلەر قوزعالىسىنا قارجى اۋداردى.

ال جۋىردا قازاقستاننىڭ ءبىرىنشى راكەتكاسى جاس قازاقستاندىق تەننيسشىلەردىڭ بولاشاقتا ءوزى سياقتى توپ-ويىنشى بولۋى ءۇشىن قارقىندى دامۋىنا قارجى ءبولدى.

رىباكينا كىمگە قولداۋ كورسەتۋ كەرەكتىگىن ءوزى تاڭداپ، 14 ويىنشىعا 2،5 ملن تەڭگەدەن ۇلەستىرىپ بەردى. قازاقستاندىق جانە حالىقارالىق ارەنالاردا جەڭىسكە جەتە باستاعان قىزداردىڭ ارقايسىسى ءوزىنىڭ تەننيستەگى تاريحىن ايتىپ، ەلەناعا حات جازدى.

باستاپقىدا ەلەنادان بولىنگەن قارجى ازداۋ ەدى، كەيىن ۋيمبلدون جەڭىمپازى گرانت سانى مەن كولەمىن كوبەيتتى.

دينارا امانتاي،

استانا