Rybakına óziniń syıaqysyn jas tennısshilerge berdi

Qazaqstannyń birinshi raketkasy Elena Rybakına elimizdiń bolashaǵynan úmit kúttiretin tennısshilerine qarjylaı qoldaý kórsetti, dep habarlady Halyq Uni tilshisi.

2022 jylǵy Ýımbldon týrnırindegi jeńisinen keıin Qazaqstan áıelder quramasynyń kóshbasshysy syıaqy qarjysynyń bir bóligin qaıyrymdylyqqa jáne Qazaqstandaǵy jastardy qoldaýǵa jumsaıtynyna ýáde bergen edi. Taıaýda Elena Astanada buralqy janýarlardy qutqarýmen aınalysatyn «StopOtlov» eriktiler qozǵalysyna qarjy aýdardy.

Al jýyrda Qazaqstannyń birinshi raketkasy jas qazaqstandyq tennısshilerdiń bolashaqta ózi sııaqty top-oıynshy bolýy úshin qarqyndy damýyna qarjy bóldi.

Rybakına kimge qoldaý kórsetý kerektigin ózi tańdap, 14 oıynshyǵa 2,5 mln teńgeden úlestirip berdi. Qazaqstandyq jáne halyqaralyq arenalarda jeńiske jete bastaǵan qyzdardyń árqaısysy óziniń tennıstegi tarıhyn aıtyp, Elenaǵa hat jazdy.

Bastapqyda Elenadan bólingen qarjy azdaý edi, keıin Ýımbldon jeńimpazy grant sany men kólemin kóbeıtti.

Dınara AMANTAI,

ASTANA