تاعى ءبىر قازاقستان شاحماتشىسى الەمنىڭ ءتورت دۇركىن چەمپيونىن ۇتتى

استانادا شاحماتتان العاش رەت ءوتىپ جاتقان قازاقستاننىڭ ايەلدەر قۇراماسى مەن الەم كومانداسىنىڭ اراسىنداعى ماتچتا مەرۋەرت كاماليدەنوۆا الەمنىڭ ءتورت دۇركىن چەمپيونى قىتايلىق حو يفاندى ۇتتى.

مەرۋەرت كاماليدەنوۆانىڭ ءوزى شاحماتتان جاسوسپىرىمدەر اراسىنداعى الەم چەمپيونى، كلاسسيكالىق شاحماتتان بىلتىرعى جىلعى قازاقستان چەمپيونى. جاسى – 17-دە.

قازاقستان شاحمات فەدەراتسياسىنىڭ حابارلاۋىنشا، ول الەمنىڭ مىقتى شاحماتشىلارىنىڭ ءبىرى سانالاتىن قىتاي وكىلىن اسا قينالماي، سەنىمدى تۇردە جەڭدى. بۇعان دەيىن قازاقستان مەن الەم قۇرامالارىنىڭ ماتچىنىڭ العاشقى كۇندەرى ول قىتايلىق قارسىلاسىنان جەڭىلگەن ەدى. سول كەزدە ءبيبىسارا اساۋباەۆا حو يفاندى ەكى رەت جەڭگەن بولتىن. ال دينارا سادۋاقاسوۆا مەن جانسايا ابدىمالىكپەن شەتەلدىك شاحماتشىمەن تەڭ تۇسكەن.

ايەلدەر اراسىنداعى كوماندالىق ماتچتىڭ جالپى جۇلدە قورى – 50 مىڭ دوللار.

داستان كەنجالين،

استانا

 

View this post on Instagram

 

A post shared by Meru ⭑ (@m_kamalidenova)