شاحماتتان الەم قۇراماسى قازاقستاندى ۇتتى

استانادا شاحماتتان العاش رەت وتكەن قازاقستان ايەلدەر قۇراماسى مەن الەم كومانداسىنىڭ اراسىنداعى ماتچ اياقتالدى. بۇل كەزدەسۋدە الەم قۇراماسى كوماندالىق ەسەپ بويىنشا جەڭىسكە جەتتى.

قازاقستان قۇراماسى راپيدتە جاقسى ويناسا دا قارسىلاستارىنان بەس ۇپايعا جەڭىلىپ قالدى. ەسەپ — 29.5-34.5. سول سياقتى بليتستە دە 13 ۇپاي ايىرماشىلىعىمەن 25.5:38.5 ەسەبىمەن ۇتىلدى. قورىتىندى ەسەپ  55:73 بولىپ الەم قۇراماسىنىڭ پايداسىنا شەشىلدى.

قازاقستان كومانداسىنا الەمنىڭ ءتورت دۇركىن چەمپيونى قىتايلىق حوۋ يفان دا قارسى وينادى. ول حالىقارالىق شاحمات فەدەراتسياسىنىڭ (FIDE) رەيتينگىدە ءبىرىنشى ورىندا كەلەدى. وسى شاحماتشىنى ءبيبىسارا اساۋباەۆا راپيدتە ەكى رەت ۇتتى. ودان كەيىن اساۋباەۆا ونى بليتستە دە جەڭدى. دينارا سادۋاقاسوۆا مەن جانسايا ابدىمالىك قىتاي شاحماتشىسىمەن تەڭ ءتۇستى. ال 17 جاستاعى مەرۋەرت كاماليدەنوۆا شەتەلدىكتەن راپيدتە جەڭىلىپ، بليتستە ەكى رەت جەڭىسكە جەتتى.

داستان كەنجالين،

استانا