Boks: besinshi kúngi kórsetkish – eki jeńis, bir jeńilis

Tashkentte ótip jatqan bokstan álem chempıonatynyń besinshi kúni bizdiń eki atlet jeńiske jetip, bir sportshymyz jeńiliske ushyrady. Bul týraly rast.kz habarlady.

Búgin 57, 80 jáne 92 kelilerge deıingi salmaqtardaǵy bylǵary qolǵap sheberleri sharshy alańdy shaıqady.

Kúndizgi sessııada 57 kelige deıingi salmaqtaǵy Serik Temirjanov 1/16 fınalda malılik Abdýl Karım Bathılımen judyryq túıistirdi. Nátıjesinde bizdiń jigit upaı sanymen jeńiske jetti. Malılik boksshy osy chempıonattyń ashylýyndaǵy birinshi jekpe-jekke shyǵyp, moldovan qarsylasyn jeńip ketken bolatyn.

Keshki sessııada birinshi bolyp 80 kelige deıingi salmaqtaǵy Nurbek Oralbaı 1/16 fınalda ázerbaıjan Mýrad Allahverdıevpen kezdesti. Bizdiń oǵlan qarsylasynan úsh raýndta da basym boldy. Sondyqtan onyń jeńisi esh kúmán týǵyzbady. Esep – 5:0. Onyń syńary – 92 kelige deıingi salmaqtaǵy Aıbek Oralbaı 1/16 fınalda ıtalııalyq Azız Abbes Moýhıdınmen qolǵap túıistirdi. О́kinishtisi, qazaqstandyq sportshy qashyp júrip urys salǵan básekelesine qarsy aıla tappady. Ol ekinshi raýndta ǵana basymdyqqa jetti. Biraq úshinshi raýndta tarazy basyn buryp kete almady. Qorytyndyda 0:4 esebimen jeńilis tapty.

Osy kúni Qytaı quramasy sapyndaǵy taǵy bir qazaq jigiti – 80 kelige deıingi salmaqtaǵy Tańatqan Toqtarbek marokkolyq Mohamed Assachırdi nokaýtpen jeńdi.

О́zbekstannyń birinshi boksshysy jarys jolynan shyǵyp qaldy. Ol – Jasýrbek Iýldashev 80 kelige deıingi salmaqta ıordanııalyq Hýsseın Eıshaısh Iashaıshtan utyldy.

Endi Serik Temirjanov 7 mamyrda venger Roland Verespen 1/8 fınalda kezdesedi, Nurbek Oralbaı 8 mamyrda túrik Aıkýtsyn Kaanmen 1/8 fınalda shaıqasady.

Búgin jarys jolyn aıaqtaǵan Aıbek Oralbaıdy qosqanda, osy kezge deıin Qazaqstan quramasy sapynan úsh boksshy chempıonattan shyǵyp qalyp otyr. Aıbek munyń aldynda, 1 mamyr kúni 1/32 fınalda bolgar Radoslav Panteleevti tize búktirgen edi.

Basqa sátsizdikterimizge kelsek, burnaǵy kúni 60 kelige deıingi salmaqtaǵy Talǵat Syrymbetov ıordanııalyq Azııa chempıony Mohammed Abý Djadjedke ese jiberip aldy. Ol 1 mamyr kúni 1/32 fınalda taı Sakda Rýamthamdy 5:2 esebimen utqan. Al keshe 63,5 kıloǵa deıingi salmaqtaǵy Sanatáli Tóltaev mavrıkıılik Rıcharno Kolın Lýısten utylyp qaldy. Ol 2 mamyr kúni 1/32 fınalda ızraıldik Ahmad Shtıvıdi jarys jolynan shyǵaryp tastaǵan-tyn.

Erteń, 6 mamyr, chempıonattyń altynshy kúni 63,5, 67, 71 kelige deıingi salmaqtardaǵy atletter kúsh synasady. Bizden Dýlat Bekbaýov (67 kg) pen 71 Aslanbek Shymbergenov (71 kg) Tashkent rıngindegi birinshi urystaryn ótkizedi. Atap aıtqanda, Dýlat – rýmynııalyq Andreı Mýstetpen, Aslanbek Trınıdad jáne Tobago ókili Aaron Prınspen kúsh synasady. Ekeýi de kúndizgi sessııada óner kórsetedi.

Kúndizgi sessııa shaıqastary – saǵat 14:00-16:30, keshki sessııa saǵat 18:00-20:30 aralyǵynda ótedi.

Sol ýaqyttarda Qazsport telearnasynan tikeleı efırde kórsetiledi.