Olımpıada chempıony bolýǵa tyrysamyn — Sanjar Táshkenbaı

Bokstan álem chempıony Sanjar Táshkenbaı elge kelisimen Jibek Joly telearnasyna bergen suhbatynda Olımpıada chempıony bolýǵa tyrysatynyn, soǵan talpynatynyn aıtty.

Osy sátti kóp kúttik. Jeńiske jetý — ár sportshynyń armany. Atap aıtqanda, Tashkentte jankúıer retinde kelgen qazaqtar kóp boldy. Sharshy alańda turǵanda, jattyqtyrýshylardyń emes, kórermenderdiń daýysy basym shyqty. Jalpy, jekpe-jekti tamashalaýǵa kelgen adamdardyń qoldaýyn kúshti sezindik. Osy oraıda olardyń barshasyna alǵysymdy aıtqym keledi. Endi Allaǵ jazsa, Olımpıada chempıony bolýǵa tyrysamyn. Soǵan talpynamyn, — dedi S.Táshkenbaı.

Sonymen birge ol aldaǵy jospary týraly aıtyp berdi.

Ár sportshy Olımpıada chempıony atanýǵa talpynady. Sondyqtan men de osy maqsatqa jetýdi kózdep otyrmyn, — dedi álem chempıony.

Munymen qosa Sanjar Táshkenbaı jarys chempıondaryna qomaqty syıaqy beriletinin aıta kele, bul júldeni ata-anasyna jáne óziniń bapkerine de bólip beretinin jetkizdi.

Bapkerimniń de zor eńbegi bar. Jalpy, syıaqyny ata-anama beremin, olar ózderi sheshedi, — dedi ol.

Mádenıet jáne sport mınımstrligi álem chempıondarynyń árqaısyna 15 myń dollardan beredi. Olardyń bapkerlerine de 15 myń dollar qarastyrylǵan. Qazaqstan boks federaııasynan – 100 myń dollar, AIBA jaǵynan 200 myń dollar beriledi.

Dastan KENJALIN,

ASTANA