قازاقستان تەننيسشىلەرى مۇگەدەك ارباسىنداعى تۋرنيردە العاش رەت جەڭىسكە جەتتى

تەننيستەن قازاقستان قۇراماسى يتاليانىڭ الگەرو قالاسىندا مۇگەدەك ارباسىنداعى ITF UNIQLO WHEELCHAIR TENNIS TOUR سەرياسى بويىنشا وتكەن حالىقارالىق تۋرنيردە العاش رەت جەڭىسكە جەتتى.

قازاقستان تەننيس فەدەراتسياسىنىڭ حابارلاۋىنشا، ۇلتتىق قۇراما العاش رەت مۇگەدەك ارباسىنداعى تەننيستەن وتكەن حالىقارالىق دودادا باق سىنادى.

ەل نامىسىن قاراعاندى قالاسىنىڭ تۇرعىنى ەۆگەني بىكوۆ پەن فەدور ستارىگين جانە اقتوبەلىك داستان نەيازوۆ قورعادى.

نەيازوۆ فينالعا دەيىن جەتىپ، سوڭعى باسەكەدە يتاليالىق الەسساندرو پالوندان 1:6، 1:6 ەسەبىمەن جەڭلىپ قالدى. ول تۋرنيردە اۋەلى  شۆەيتساريالىق دەۆين ءريۋشتى 6:4، 6:1 ەسەبىمەن ۇتسا، ودان كەيىن شيرەك جانە جارتىلاي فينالدا يتاليالىق تەننيسشىلەردەن باسىم ءتۇستى.

ەۆگەني بىكوۆ پەن فەدور ستارىگين شيرەك فينالعا دەيىن جەتتى.

قازاقستان تەننيس فەدەراتسياسى 2022 جىلدان باستاپ مۇگەدەك ارباسىنداعى تەننيستى دامىتۋدى قولعا العان بولاتىن. العاش رەت قازاقستان چەمپيوناتى مەن كۋبوگى وتكىزىلدى.