سپورتشى مەن جاتتىقتىرۋشىعا بەرىلەتىن اي سايىنعى تولەمنىڭ مولشەرى وزگەرەدى

وليمپيادا مەدالىنە ۇمىتكەر سپورتشىعا بەرىلەتىن اي سايىنعى تولەمنىڭ مولشەرى وزگەرەدى. بۇل تۋرالى  مادەنيەت جانە سپورت مينيسترلىگى حابارلادى.

مادەنيەت جانە سپورت مينيسترلىگى جوعارى ساناتتى سپورتشىلار، جاتتىقتىرۋشىلار جانە جوعارى ساناتتى سپورتشىلاردى دايارلايتىن دەنە شىنىقتىرۋ جانە سپورت سالاسىنداعى ماماندارمەن سپورتتىق قىزمەت تۋرالى شارت بويىنشا اقشا تولەمدەرىنىڭ مولشەرىن بەكىتۋ تۋرالى» بۇيرىققا وزگەرتۋلەر ازىرلەدى.

بۇيرىق جوباسىنا سايكەس، قولدانىستاعى قۇجاتقا سپورتشىلارمەن جانە ولاردىڭ جاتتىقتىرۋشىلارىمەن جاسالعان شارت بويىنشا  اي سايىنعى تولەمنىڭ ەڭ تومەنگى جانە ەڭ جوعارى مولشەرىن انىقتاۋ كريتەريلەرى بار تارماقتى قوسۋ ۇسىنىلادى، — دەلىنگەن حابارلامادا.

اتاپ ايتقاندا، وليمپيادا، پاراليمپيادا نەمەسە سۋردليمپيادانىڭ مەدالىنە ۇمىتكەر سپورتشىلارعا اي سايىنعى تولەم مولشەرى سپورتشىنىڭ اعىمداعى وليمپيادالىق تسيكلدە الەم چەمپيوناتىنىڭ، ازيا چەمپيوناتىنىڭ نەمەسە كۋبوگىنىڭ يەگەرى نەمەسە جۇلدەگەرى بولۋىنا بايلانىستى بەلگىلەنەدى.

قۇجاتتىڭ جاڭا رەداكتسياسىندا سوماسى مەن تولەۋ مەرزىمى وزگەرگەن جوق. مىسالى، وليمپيادا مەدالىنە ۇمىتكەر سپورتشى اي سايىن شارتتا بەلگىلەنگەن سومانىڭ 50%–ىن (700-دەن 7500 اقش دوللارىنا دەيىن) الادى، قالعان بولىگى مەدال جەڭىپ الۋ بويىنشا مىندەتتەمە ورىندالعان جاعدايدا عانا تولەنەدى، — دەدى مسم سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ.

ونىڭ ايتۋىنشا، جاتتىقتىرۋشىلار مەن باس جاتتىقتىرۋشىلار وليمپيادا، پاراليمپيادا، سۋردليمپيادادا، سونداي-اق وليمپيالىق، پاراليمپيالىق، سۋردليمپيالىق سپورت تۇرلەرىنەن ەرەسەكتەر اراسىنداعى الەمدىك جانە قۇرلىقتىق بىرىنشىلىكتەردە مەدال جەڭىپ الۋ بويىنشا مىندەتتەمەنى الۋى ءتيىس. بۇل جاتتىقتىرۋشى-كەڭەسشىلەرگە دە قاتىستى. بىراق تەك وليمپيادا جۇلدەسىنە ۇمىتكەر سپورتشىلاردى دايارلاۋعا قاتىساتىندارعا عانا قاتىستى، — دەپ حابارلادى ۆەدومستۆو.