Qazaqstan men Fınlıandııa matchynyń tóreshileri belgili boldy

7 qyrkúıekte fýtboldan 2024 jylǵy Eýropa chempıonatyna irikteý týrnırindegi Qazaqstan men Fınlıandııa ulttyq qurama komandalary arasynda ótetin matchtyń tóreshileri anyqtaldy.

Bul matchtyń bas tóreshisi bolyp Rýmynııanyń tóreshisi Radý Petreský bekitildi.

Oıynda Radýǵa onyń otandastary Radý Gıngýlıak pen Mırcha Grıgorıý kómektesedi. Tórtinshi tóreshi – Marel Bırsan.

Qazir týrnır kestesinde tórt matchtan keıin N tobynda Fınlıandııa men Qazaqstan quramalary 9 upaımen qatar keledi. Qosymsha kórsetkishter boıynsha ǵana Sýomı eliniń bas komandasy alda tur.

Match Astana ýaqytymen keshki saǵat 20.00-de bastalady.

Komandalar matchtan bir kún buryn «Astana-Arena» stadıonynda ashyq jattyǵý ótkizedi.

Dastan KENJALIN,

ASTANA