ولجاس ءورازاالى ۇلى – ازيا پارا ويىندارىنىڭ چەمپيونى!

قىتايدىڭ حانچجوۋ قالاسىندا ءوتىپ جاتقان IV ازيا پارا وينىدارىندا تاعى دا ەلىمىزدىڭ جالاۋى كوتەرىلىپ، ءانۇرانى وينادى.

پاراازيادادا 73 كگ سالماقتا ونەر كورسەتكەن ولجاس ءورازالى ۇلى (J2 ساناتى) پارا دزيۋدودان التىن مەدال يەگەرى اتاندى. ول التىن مەدال ءۇشىن كۇرەستە وزبەكستاننىڭ سپورتشىسى فەرۋز سايدوۆتى جەڭدى، دەپ حابارلادى تۋريزم جانە سپورت مينيسترلىگى.

ءبىزدىڭ پارادزيۋدوشىمىز ءوزىنىڭ جوعارى كاسىبي دەڭگەيىن تاعى ءبىر مارتە دالەلدەدى. ولجاستى ازيا پارا ويىندارىنىڭ التىن مەدالىن جەڭىپ الۋىمەن قۇتتىقتايمىن!،- دەدى تۋريزم جانە سپورت ءمينيسترى ەرمەك مارجىقپاەۆ چەمپيوندى قۇتتىقتاۋ حاتىندا.

بۇگىن ازيا پارا ويىندارىندا قازاقستان قۇراماسى پارا دزيۋدودان تاعى ءبىر التىن مەدال يەلەندى. بۇل جۇلدەنى ەرعالي شامەي جەڭىپ الدى. ول وتانداسىمىز اسىلان نۇرداۋلەتوۆپەن فينالدا تاتاميگە شىقتى.

ءسويتىپ، ول ازيا پارا ويىندارىنىڭ چەمپيونى اتانسا، اسىلان نۇرداۋلەتوۆ كۇمىس مەدالگە يە بولدى.

ولجاس ءورازاالى ۇلىنىڭ التىن جۇلدەسى — بيىلعى ازيا پارا ويىندارىنداعى دزيۋدوشىلاردىڭ ءتورتىنشى التىن مەدالى.

فوتو: تۋريزم جانە سپورت مينيسترلىگى