Үстел теннисінен ұлттық құрама Азия чемпионатына дайындалып жатыр

Алматыда үстел теннисінен Қазақстан ұлттық құрамасы жаттығу жиынын өткізіп жатыр, деп хабарлады Olympic.kz. 

Жиынға құраманың бас жаттықтырушысы Эльмира Әлиева, аға жаттықтырушы Дмитрий Переверзев қатысуда.

Оқу-жаттығу жиынының мақсаты — ойын стилін жеке жетілдіру.

2024 жылғы қаңтарда Қазақстан чемпионаты өтеді. Онда ұлттық құраманың құрамы анықталады. Олар алдағы маусымда әлем, Азия чемпионаттарында, олимпиялық іріктеу турнирінде өнер көрсетеді. Қазіргі оқу-жаттығу жиынына еліміздің жетекші спортшылары мен Қазақстанның бас командасына үміткерлер үшін өте маңызды.