Qazaq jattyqtyrýshylary ulttyq quramaǵa nege kirmeı keledi?

Byltyr Qytaıdyń Hanchjoý qalasynda ótken jazǵy Azııa oıyndarynda dzıýdodan elimizdiń tatamı sheberleri 1 kúmis, 4 qola medal alyp berdi. Onyń úsh qola júldesin dzıýdodan Qazaqstan Respýblıkasynyń eńbek sińirgen jattyqtyrýshysy Qalen Qalıulynyń shákirtteri Maǵjan Shamshadın (60 kg), Abylaıhan Jubanazar (81 kg) men Nurlyhan Sharhan (100 kg) alǵan edi. Biraq qyzylordalyq jattyqtyrýshynyń eńbegi baǵalanbaı keledi. Basshylar franýzdardy tórge shyǵaryp, qazaq jattyqtyrýshylary Qalen Qalıuly men Marat Faızıevty quramadan nege qýdy eken?

Jaqynda Franııa astanasy — Parıjde ótken Grand Slam týrnırinde otandasymyz Nurlyhan Sharhan (100 kg) qola medal alyp qýantty. Sharhandy saıysqa daıyndaǵan Qalen Qalıulynyń trıbýnada aıqaılap otyrǵan sýretin kórdik. Onda ne istep otyr? Ol Nurlyhan Sharhannyń jeke jattyqtyrýshysy emes pe? Qasynda bolýy kerek qoı…

Sheteldegi jarystarda sportshylarymyz nege júlde almaıdy desek, jeke bapkerleri trıbýnada otyryp shákirtiniń beldeskenin kórip qaıtady eken. Bizder olardy jazamyz, júlde almady dep synaımyz.

Jattyqtyrýshynyń jumysy qıyn ári aıanyshty eken. Báse, Ashat Jitkeev pen Aıbek Imashev nege jattyqtyrýshylyqtan ketti desek… Bilip ketken eken ǵoı.

Taǵy da dzıýdo sporty týraly aıtsaq, jazǵy Azııa oıyndarynyń jeńimpazy, Azııa chempıonatynyń qola júldegeri Dıdar Hamza degen Túrkistannyń týmasy bar. Bárimizge tanys. Byltyr karerasyn aıaqtady. Bar bolǵany 26 jasta. Franýzdar elge keldi de, Dıdar dzıýdodan ketti.

Dıdar franýzdarmen syıyspaı ketken. Ákesi dzdodan Qazaqstan Respýblıkasynyń eńbek sińirgen jattyqtyrýshysy Marat Faızıevke ulttyq qurama komandada oryn joq. Áıtpese, balasy Dıdar Hamza 91 kg salmaqta álemdik reıtıngte 35-orynda eken. Áli de oǵan jarystarǵa qatysyp, upaı jınap, Parıj Olımpıadasynda baq synaýǵa múmkindik bar edi. Ákesin ulttyq quramadan, ulyn sporttan qýǵan kim eken? Osydan keıin qazaq dzıýdosy qaıdan damıdy? Jalpy, bul biz bilmeıtin bylyqtardyń sheti ǵana sııaqty.

Qazaqstan dzıýdo federaııasynyń prezıdenti Qýanyshbek Esekeev dzıýdoda ne bolyp jatqanyn bile me eken?

Jaýap kútemiz.

Aıbek MUHANOV,

Qazaqstan Jýrnalıster odaǵynyń múshesi

Mańǵystaý oblysy

Aqtaý qalasy