حالىقارالىق ەلەكترونيكا جانە تەحنولوگيالار كورمەسى

الماتىدا قىتاي، قازاقستان جانە شىۇ مەملەكەتتەرى اراسىنداعى تسيفرلىق تەحنولوگيالار سالاسىنداعى كوپجاقتى ىنتىماقتاستىقتىڭ ستراتەگيالىق مۇمكىندىكتەرى تانىستىرىلدى.

الماتىدا Hometech & Electra 2025 ەلەكترونيكا جانە تۇرمىستىق تەحنيكا حالىقارالىق كورمەسىندە، Hometech & Electra Forum «ورتالىق ازيا مەن كورشىلەس وڭىرلەردە ەلەكترونيكا جانە تسيفرلىق جۇيەلەر نارىعىن دامىتۋ» ىسكەرلىك باعدارلاماسى اياسىندا شانحاي ىنتىماقتاستىق ۇيىمى (شىۇ) ەلدەرىنىڭ كريپتوگرافياسىن كورسەتۋدى ستاندارتتاۋ ورتالىعى مەن دەرەكتەر قاۋىپسىزدىگى بويىنشا بىرلەسكەن ازىرلەۋ ورتالىعىن قۇرۋ جونىندەگى حالىقارالىق باستاماعا قاتىسۋشىلاردىڭ تانىستىرىلىمدارى ءوتتى. مۇنداعى جوبالار شىۇ ەلدەرىندە تەحنولوگيالىق ەگەمەندىك پەن تسيفرلىق ينفراقۇرىلىمدى دامىتۋعا باعىتتالعان.

باستامانىڭ ماقساتى — بازالىق IT-تەحنولوگيالار سالاسىندا ءوز شەشىمدەرىن ەنگىزۋ جانە اقپاراتتى قورعاۋ سالاسىندا ۇيلەسىمدى ۇلتتىق ستاندارتتاردى قالىپتاستىرۋ ارقىلى ءوڭىر مەملەكەتتەرىنىڭ كيبەرقاۋىپسىزدىگىن نىعايتۋ. سونىمەن، فورۋمعا قاتىسۋشىلارعا «سينچۋان» باعدارلاماسى شەڭبەرىندە قاۋىپسىزدىك پەن سەنىمدىلىكتى مەملەكەتتىك باعالاۋدان وتكەن جانە قىتايدىڭ اقپاراتتىق قاۋىپسىزدىكتى باعالاۋ ورتالىعى سەرتيفيكاتتاعان العاشقى ونىمدەردىڭ ءبىرى — GreatDB قىتايلىق دەرەكتەر بازاسى ۇسىنىلدى.

باسقارما توراعاسىنىڭ ورىنباسارى، GreatDB، «Troy Information Technology» كومپانياسىنىڭ اعا ينجەنەرى لي دجينس بىلاي دەدى: «ءار ەلدىڭ IT-قاۋىپسىزدىك بويىنشا بەلگىلى ءبىر تالاپتارى بار جانە ءبىز ءوز تاجىريبەمىزگە سۇيەنە وتىرىپ جانە جەرگىلىكتى تالاپتاردى ەسكەرە وتىرىپ، جەرگىلىكتى كومپانيالارمەن بىرلەسە وتىرىپ، جەرگىلىكتى قاۋىپسىزدىك جۇيەسىنىڭ ستاندارتىن ازىرلەۋگە كومەكتەسكىمىز كەلەدى. قىتايدا ءبىز ءتيىستى جۇيەلىك باعدارلامالىق جاساقتامامەن بەيىمدەلۋدى اياقتادىق، سوندىقتان شىۇ ەلدەرىنىڭ نۇسقاسى ءبىر جاعىنان وسى ەلدەردىڭ نەگىزگى اپپاراتتىق جانە باعدارلامالىق جاساقتاماسىنا بەيىمدەلۋى كەرەك. ماقساتى – شىۇ ەلدەرىنىڭ تسيفرلىق قاۋىپسىزدىك ساياساتىنىڭ تالاپتارىنا سايكەستىگى. مەنىڭ ويىمشا، 1-3 جىلدا ءبىزدىڭ جەتىستىكتەرىمىز مىناداي باعىتتاردا پايدا بولادى: ءبىرىنشىسى – ءبىز قازاقستاندا عىلىمي-زەرتتەۋ تاجىريبەلىك-كونسترۋكتورلىق ازىرلەمەلەر ورتالىعىن قۇرامىز، جەرگىلىكتى باعدارلامالىق جانە اپپاراتتىق قامتاماسىز ەتۋ وندىرۋشىلەرىمەن بىرلەسكەن تەستىلەۋ جانە ءوزارا سەرتيفيكاتتاۋ جۇرگىزەتىن بولامىز. ەكىنشىسى – ءبىز شىۇ ەلدەرى ءۇشىن قىتاي نۇسقاسىنان باسقا نۇسقاسى نەگىزىندە greatdb ارنايى دەرەكتەر بازاسىن ازىرلەيمىز جانە وسى جاڭا نۇسقانى قازاقستاندا جانە باسقا ەلدەردە سەرتيفيكاتتاۋعا بەرەمىز، سونداي-اق اقپاراتتىق قاۋىپسىزدىك سالاسىندا قاجەتتى جەرگىلىكتى سەرتيفيكاتتار مەن ليتسەنزيالاردى الامىز. ءۇشىنشىسى – ءبىز قازاقستاندىق وقۋ ورىندارىنا باعدارلامالىق تەحنولوگيالار مەن وقىتۋ قىزمەتتەرىن ۇسىنۋ ءۇشىن جەرگىلىكتى ۋنيۆەرسيتەتتەرمەن جانە ينستيتۋتتارمەن ىنتىماقتاستىق ورناتامىز. ءتورتىنشى جانە ەڭ باستىسى-شىۇ ەلدەرى ءۇشىن ءبىزدىڭ باعدارلامالىق قامتاماسىز ەتۋدىڭ نەگىزگى جانە نۇسقاسىن ۇسىنۋ ءۇشىن جەرگىلىكتى IT-كومپانيالارمەن ىنتىماقتاساتىن بولامىز».

بۇگىنگى تاڭدا تەك 16 دەرەكتەر بازاسىن وندىرۋشىلەر وسى ىرىكتەۋدەن ءوتتى. ونىڭ ىشىندە GreatDB بار.

سالتانات قاجىكەن،

الماتى