Бокстан АЧ: Қазақстан спортшылары бес қола медаль алды

Таиландтың Бангкок қаласында бокстан жастар арасындағы Азия чемпионаты одан әрі жалғасуда, деп хабарлады Қазақстан бокс федерациясы.

Бүгін 19 жасқа дейінгі санатта әйелдер арасындағы жекпе-жектер аяқталды.

Күндізгі сессияның қорытындысы бойынша Аяжан Ермек (57 келіге дейін), Құралай Егінбайқызы (80 келіге дейін) финалға шықты.

Айым Танкибаева (51 келіге дейін), Жанель Имантаева (54 келіге дейін), Алина Құдайгенова (60 келіге дейін), Ақбота Есімбекова (65 келіге дейін) мен Сабина Жақсылық (80 келіден аса салмақ) Азия чемпионатының қола жүлдегері атанды.