Ақнұр Тұрсынғали — жасөспірімдер Олимпиадасының күміс медалисі

Боксшы Ақнұр Тұрсынғали Сенегалдың Дакар қаласында өтіп жатқан жасөспірімдер Олимпиадасының күміс жүлдегері атанды.

Отандасымыз 57 келіге дейінгі салмақта бразилиялық Сара Кампоспен жұдырықтасты.

Алғашқы раундта Ақнұр Тұрсынғали басым түсті. Дегенмен бразилиялық боксшы екінші және үшінші раундтарда тізгінді өз қолына алып, 4:1 есебімен жеңіске жетті.

Осылайша Ақнұр Тұрсынғали жасөспірімдер Олимпиадасын күміс жүлдемен аяқтады.

Ұлттық құраманың еншісінде алты медаль бар. Бұған дейін дзюдошы Фатима Сұпығалиева (52 келіге дейін) және велошабандоз Әнел Тәшбай алтын медаль алса, таеквондошы Любовь Юн (63 келіден аса ), триатлоншы Рамазан Әйнегов пен боксшы Марал Төлепберген (54 келіге дейін) қола медаль алған еді.

Дастан КЕНЖАЛИН,

АСТАНА