SportPress.kz قازاقستان سپورت جاڭالىقتارى
2022 جىلعى فۋتبولدان قازاقستان چەمپيوناتىنىڭ سوڭعى 26 تۋرىندا «استانا» كومانداسى سىرت الاڭدا قاراعاندىلىق «شاحتەر» كومانداسىن 2-3 ەسەبىمەن ۇتىپ، جەتىنشى رەت قازاقستان چەمپيونى اتاندى.
ەلوردالىق كوماندا 26 ويىندا 65 گول سوعىپ، ءوز قاقپالارىنا 24 گول وتكىزىپ 53 ۇپايمەن تۋرنير كەستەسىندە ءبىرىنشى ورىنعا شىقتى.
چەمپيوناتتىڭ ەڭ ۇزدىك سۇرمەرگەنى استانالىق پەدرو ەۋجەنيو (18 گول)، ەڭ ۇزدىك اسسيستەنت استانالىق مارين توماسوۆ (9 اسسيست) جانە گول+پاس كورسەتكىشى بويىنشا دا مارين توماسوۆ (24 – 15 گول، 9 اسسيست) بولدى.
سوڭعى تۋرعا دەيىن «استانا» كومانداسىمەن ۇزەڭگى قاعىستىرىپ كەلگەن «اقتوبە» كومانداسى سوڭعى تۋردا الماتىلىق «قايراتتى» 4-1 ەسەبىمەن ۇتىپ، 52 ۇپايمەن ەكىنشى ورىن الدى. اقتوبەلىك كوماندا بيىلعى چەمپيوناتتا جالپى سانى 43 گول سوعىپ، 28 گول جىبەرىپ قويعان.
چەمپيوناتتىڭ قول جۇلدەگەرى بىلتىرعى چەمپيون «توبىل» كومانداسى. قوستانايلىقتار 46 گول سوعىپ، 33 دوپ جىبەرىپ 47 ۇپاي جينادى.
ال تۋرنير كەستەسىنىڭ ەڭ سوڭىنان «تۇران» مەن «اقجايىق» كوماندالار كورىندى. ولار تيىسىنشە 28 جانە 25 ۇپاي عانا جيناپ، كەلەسى جىلى پرەمەر ليگادان ءبىرىنشى ليگاعا تۇسەدى. ولاردىڭ ورنىنا ءبىرىنشى ليگادان پرەمەر ليگاعا «وقجەتپەس» پەن «قايسار» كومانداسى كەلەدى.
وسىمەن «استانا» كومانداسى جەتىنشى رەت قازاقستان چەمپيونى بولىپ وتىر.
ەستەرىڭىزگە سالا كەتەيىك، ەلوردالىق كوماندا 2014-2019 جىلدار ارالىعىندا قاتارىنان التى رەت چەمپيون بولعان ەدى. ال 2020، 2021 جىلدارى چەمپيوناتتى تيىسىنشە «قايرات» جانە «توبىل» كوماندالارى ۇتقان بولاتىن.
داستان كەنجالين،
استانا
