Azııa chempıonatynda Qazaqstan boksshylary birinshi oryn aldy

Iordanııa astanasy Amman qalasynda bokstan XXXII Azııa chempıonatyn aıaqtaldy. Qazaqstan erler men áıelder quramasynyń nátıjesin qosa eseptegende jalpy esepte birinshi-oryn aldy.

Qorjynymyzda 6 altyn, 7 kúmis pen 8 qola júlde. Ekinshi – О́zbekstan (6 altyn, 3 kúmis, 4 qola), úshinshi – Úndistan (4 altyn, 2 kúmis, 5 qola).

Básekeni sońǵy kúni erler 13 salmaqta bıylǵy úzdikterdi anyqtady. Qazaqstan quramasy sapyndaǵy Sanjar Tashkenbaı (48 kg), Aslanbek Shymbergenov (71 kg), Aıbek Oralbaı (-92 kg) chempıon atansa, Sáken Bıbosynov (51 kg), Mahmud Sabyrhan (54 kg), Serik Temirjanov (57 kg), Dýlat Bekbaýov (67 kg), Nurqanat Raıys (75 kg), Qamshybek Qońqabaev (+92kg) fınalda qarsylasynan utylyp, kúmis júldeger atandy. Al Samatáli Tóltaev (60 kg), Nurbek Oralbaı (80 kg), Saǵyndyq Toǵambaı (86 kg) qola medal aldy. Barlyǵy 12 júlde (3 altyn, 6 kúmis, 3 qola).

Erler arasyndaǵy jalpy esepte 5 altyn, 2 kúmis, 3 qolamen О́zbekstan quramasy 1-oryn alsa, Qazaqstan ekinshi orynǵa ıe boldy. Úzdik úshtikti jarys qojaıyny Iordanııa (2 altyn, 2 kúmis, 1 qola) túıindedi.

Odan keıingi oryndar:

4) Taıland – 2 altyn

5) Fılıppın – 1 altyn

6) Úndistan men Mońǵolııa – 1 kúmis, 4 qola

8) Japonııa – 1 kúmis, 1 qola

9) Qyrǵyzstan – 4 qola

10) Iran men Tájikstan – 2 qoladan

12) Pákistan pen Taıvan – 1 qola

Al áıelder arasyndaǵy básekede Alýa Balqybekova (48 kg), Jaına Shekerbekova (54 kg) men Karına Ibragımova (57 kg) top jarsa, Gúlsaıa Erjan (81 kg) kúmis medal ıegeri atandy. Sondaı-aq Nazym Qyzaıbaı (50 kg), Jazıra Oraqbaeva (52 kg), Madına Nursheeva (66 kg), Darıǵa Shákimova (70 kg), Lázzat Kúngeıbaeva (+81kg) óz salmaǵynda qola júldege ıe boldy.

Áıelder arasynda Úndistan (4 altyn, 1 kúmis, 1 qola medal) kósh bastasa, ekinshi oryn Qazaqstannyń (3 altyn, 1 kúmis, 5 qola) júlde enshisinde qaldy. Odan keıin Japonııa (1 altyn, 3 kúmis), Ońtústik Koreıa (1 altyn, 1 kúmis, 4 qola medal), О́zbekstan (1 altyn, 1 kúmis, 1 qola), Taıvan (1 altyn, 3 qola júlde), Vetnam (1 altyn, 1 qola medal) jaıǵasqan.

31 qazanda bastalǵan sary qurlyq dodasynda erler 13, áıelder 12 salmaqta synǵa tústi. Chempıonatty Azııa boks konfederaııasy (ASBC) Halyqaralyq boks qaýymdastyǵynyń (IBA) erejelerin negizge ala otyryp, uıymdastyrdy.

 

Dastan KENJALIN,

ASTANA

FOTO: Aıan TО́LEGEN

AMMAN