2026 jylǵy álem chempıonatynyń formaty ózgerýi múmkin

Fýtboldan álem chempıonatyn uıymdastyrýshylar bolashaqta bolatyn tórt jylda bir ret ótetin teńbil dop dodasynyń formatyn ózgertýdi oılastyryp jatyr.

2026 jylǵy álem chempıonaty AQSh, Kanada jáne Meksıkada ótedi. Oǵan alǵash ret 48 komanda qatysady.

Osy máselege baılanysty álem chempıonatyn uıymdastyrýshylar 48 quramany úsh komandadan turatyn 16 topqa bólýdi josparlap otyr. Degenmen, qazir komandalardy tórt quramadan 12 topqa bólý máselesi talqylanýda. Jospar oryndalsa, álem chempıonaty qazirgi kezdegi 64 oıynnan 104 matchqa deıin kóbeıedi.

Ázirge sheshim qabyldanǵan joq.  Osy ózgeriske múddeli adamdar aldaǵy aılarda álnm chempıonattyń formatyn qaıtadan talqylaıdy dep kútilýde. Kez kelgen sheshim 2023 jyly qabyldanýy kerek.

Sarapshylardyń aıtýynsha, eger oıyndardyń kóptigine baılanysty týrnırdi taǵy birneshe kúnge uzartsa, FIFA da, iri demeýshiler de qarsylyq bildirmeıdi. Olar bılet satý jáne basqa jeńildikter arqyly úlken qosymsha tabys taba alady.

Dastan KENJALIN,

ASTANA