SportPress.kz قازاقستان سپورت جاڭالىقتارى
قازاقستاننىڭ گرەپپلينگ قۇراماسى استانادا بالالار، جاسوسپىرىمدەر، جاستار مەن ەرەسەكتەر اراسىنداعى ASIA OPEN 2023 تۋرنيرىندە جەڭىسكە جەتتى. جارىسقا 1200-گە جۋىق سپورتشى قاتىستى.
تۋرنيردە ەكىنشى ورىندى قىرعىزستان، ءۇشىنشى ورىندى وزبەكستان قۇرامالارى الدى.
استاناداعى جارىستىڭ قورىتىندىسى بويىنشا ASIA OPEN 2023 تۋرنيرىندە جاقسى ناتيجە كورسەتكەن سپورتشىلاردان ۇلتتىق قۇراما جاساقتالىپ، ولار الداعى حالىقارالىق جارىستارعا دايىندالادى. ەڭ ءبىرىنشى بولىپ ولار ەرەسەكتەر اراسىنداعى الەم چەمپيوناتىنا بارادى. ول بيىل پولشادا وتەدى. ال جاسوسپىرىمدەر، جاستار جانە ارداگەرلەر اراسىنداعى جارىس گرەكيادا وتەدى.
گرەپپلينگ – كلاسسيكالىق جەكپە-جەك ونەرىندەگى (سامبو، دزيۋدو، دجيۋ-دجيتسۋ جانە ەركىن كۇرەس) سياقتى لاقتىرۋ جانە ونىڭ تەحنيكالارىن قامتيتىن جەكپە-جەك تۇرلەرىنىڭ ءبىرى. گرەپپلينگتەگى نەگىزگى ەكپىن اۋىر ادىستەرگە اۋدارىلادى، سونىڭ ارقاسىندا قارسىلاس بەرىلەدى. گرەپپلينگ باسقا جەكپە-جەك ونەرىنەن كيىم ۇلگىسىمەن ەرەكشەلەنەدى، مۇندا سپورتشى قارسىلاسىنىڭ كيىمىنە جارماسا المايدى.
داستان كەنجالين،
استانا
