Bizdi tanystyrǵan da tabystyrǵan da — sport

Jaqynda Mádenıet jáne sport mınıstrliginde jaqsy bir taǵaıyndaý boldy. Bul taǵaıyndaýdy «Haluq uni» aqparattyq agenttiginiń jelilik basylymynan oqyp, qýanyp qaldym. Mádenıet jáne sport mınıstriniń jańa orynbasary bolyp belgili azamat Sársen Quranbek keldi degendi estip, rıza boldym.

Sákeń ekeýmiz 2010 jyldan beri tanyspyz. Sol kezde ol «Qysqy Azııa oıyndary men Olımpıada alaýynyń estafetasy jónindegi qalalyq dırekııasy» MKK dırektorynyń orynbasary qyzmetin atqarǵanda men «Egemen Qazaqstan» gazetiniń tilshisi bolǵan edim. Umytpasam, 2010 jyldyń jaz aıynda redakııanyń tapsyrmasymen Qysqy Azıadanyń bastalýyna jarty jyl qalǵanda alǵash ret elimizde bolatyn dúrmekti doda týraly materıaldardy shyǵara bastadyq. Bul is maǵan júkteldi. Gazet basshylyǵy «Osy azamatpen habarlas. Telefon nomeri osy. Ári qaraı óziń áketesiń», dep Sákeńniń koordınatyn bergeni esimde.

Sol kúni Sársen Abaıulymen habarlasyp, keshke qaraı ýaqyt ozdyrmaı, materıal daıyndaýǵa bardym. «Qysqy Azııa oıyndary men Olımpıada alaýynyń estafetasy jónindegi qalalyq dırekııasy» MKK-ge baryp, Sákeńe jolyqtym. Mekemege barsam, ornalasqan ǵımaraty eskileý eken. Sákeńniń bólmesi de aıadaı bolyp kórindi. Ekeýmiz áńgimeden áńgime shyǵyp, biraz ýaqyt áńgimelestik. Ol meniń ákemdi biletinin aıtty. Buǵan deıin Almatyda biraz mekemede qyzmet etipti. Sol qyzmet babymen júrgende ákemmen tanysyp, jaqsy aralasqanyn jetkizdi.

Sársen Abaıulymen suhbatta sportqa qatysty ǵana emes, ata-babamyzdan taram-taram urpaq arqyly mıras bolyp kele jatqan ulttyq salt-dástúrimiz, ónerimiz ben mádenıetimiz, tarıhymyz týraly áńgime qozǵap, óz oılaryn aıtty. Sóıtsem, oǵan tańqalatyndaı eshteńe joq eken. Sákeńniń tekti áýletten shyqqanyn sol kezde bildim. Onyń týǵan baýyry Beısen Quranbek ekenin bilmeppin. Beısekeń aǵamyz da tektiligin kórsetip júretin edi. Mine, osy kezdesýden keıin biz Sákeń ekeýmiz aǵaly-inili áriptes bolyp syılasyp kettik.

Ol qaı jerde júrse de qaı qyzmette bolsa da óz isiniń mamany ekenin kórsetip keledi. Oǵan 2011 jyly elimizde tuńǵysh ret jalaýy jelbiregen Qysqy Azıadanyń, qazaqtyń taǵy bir aptal azamaty Arman Shoraevtyń bastamasymen qurylǵan «Qazaqstan barysy» týrnıri men basqa da jarystardyń laıyqty deńgeıde ótýine atsalysqanyn dálel retinde aıtýǵa bolady.

Jalpy, Sákeń týraly aıtar sózimiz kóp. Biz, jýrnalıster qaýymy tamyryn tereńge jibergen tektiligi bar, kórgeni men túıgeni bar, kisige jasaǵan qaıyrymy men keńdigi bar osyndaı symdaı tartylǵan, aqyly men kelbeti kelisken qazaq jigitteriniń memlekettik qyzmetke barǵanyna qýanamyz! Jumysyńyz jemisti, isińiz berekeli bolsyn, Sáke!

Dastan KENJALIN,

ASTANA