مەسسي مالىمدەمە جاسادى (ۆيدەو)

ارگەنتينا ۇلتتىق قۇراماسىنىڭ شابۋىلشىسى ليونەل مەسسي «پاري سەن-جەرمەن» كلۋبىنىڭ باسشىلىعىنا ەسكەرتپەي، ءوز ەركىمەن ساۋد ارابياسىنا بارعانى ءۇشىن كوماندالاستارىنان كەشىرىم سۇرادى.

مەن ماتچتان كەيىن ادەتتەگىدەي دەمالىس بولادى دەپ ويلاعان ەدىم. مەن بۇل ساپاردان باس تارتقىم كەلمەدى. سەبەبى، بۇعان دەيىن دە ول جاققا بارماي قالعانمىن.

كومانداداعى ارىپتەستەرىمنەن كەشىرىم سۇرايمىن. كلۋب ماعان قانداي شارالار قابىلداسا دا بانە تۇسىنىستىكپەن قارايمىن، — دەدى ول.

بۇعان دەيىن حابارلانعانداي، ليونەل مەسسي ساۋد ارابياسىنا كەتىپ قالعانى ءۇشىن ەكى اپتاعا ويىنداردان شەتتەتىلگەن بولاتىن. ول سونداي-اق، جاتتىعۋدان دا الاستاتىلىپ، ەكى جۇماعا تولەنەتىن ايلىعىنان قاعىلدى.

ەندى ارگەنتينالىق فۋتبولشى فرانتسيا چەمپيوناتىنداعى «ترۋا» (7 مامىر) مەن «اياچچو» (13 مامىر) كوماندالارىنا قارسى ويىنعا قاتىسپايدى.

ال ساۋد ارابياسىنىڭ «ءال-حيلال» كلۋبى ليونەل مەسسيگە كوماندا قۇرامىندا ءبىر ماۋسىم ويناپ بەرۋ ءۇشىن 400 ملن دوللار جالاقى ۇسىنىپ وتىرعان كورىنەدى.

قازىر مەسسيدىڭ ساۋد ارابياسى كلۋبىنا اۋىسۋى تۋرالى ماسەلەمەن فۋتبولشىنىڭ اكەسى حورحە مەسسي مەن «مانچەستەر سيتي» كومانداسىنىڭ ەكس-باس ديرەكتورى گارري كۋك اينالىسۋدا.

داستان كەنجالين،

استانا