قازاقستانعا كەلۋگە كەلىسكەن الۆارەس گولوۆكيننىڭ جانكۇيەرلەرىنەن قورقىپ وتىر

ەكىنشى ورتا سالماقتاعى ءابسوليۋتتى الەم چەمپيونى ساۋل «كانەلو» الۆارەس (59-2-2، 39 كو) قازاقستانعا كەلۋگە كەلىسىمىن بەردى.

33 جاستاعى مەكسيكالىق الەم چەمپيونى قازاقستاندىق جانكۇيەرلەرىمەن كەزدەسۋدى جوسپارلاپ وتىر. كاسىپقوي بوكسشىنى الاڭداتاتىن جالعىز نارسە – گەننادي گولوۆكين (42-2-1، 37 كو) جانكۇيەرلەرىنىڭ رەاكتسياسى. بۇل تۋرالى Vesti.kz حابارلادى.

الماتى نەمەسە استانادا وتەتىن ءىس-شارا اياسىندا «كانەلومەن» فان-ميتينگ جوسپارلانعان. مەكسيكالىقتىڭ ءوزى كەلۋگە الدىن الا كەلىسىمىن بەردى. بىراق ول  گەننادي گولوۆكيننىڭ جانكۇيەرلەرىنىڭ تەرىس رەاكتسياسىنان قورقادى، — دەپ حابارلادى سايت.

ەسكە سالا كەتسەك، گولوۆكين مەن كانەلو ءۇش رەت كەزدەسۋ وتكىزگەن. ءبىرىنشى جەكپە-جەك تەڭ اياقتالسا، قالعان ەكى جەكپە-جەكتە مەكسيكالىق جەڭىسكە جەتكەن ەدى. ونىڭ ۇستىنە GGG-ءدىڭ سوڭعى جەڭىلىسى وتكەن جىلدىڭ كۇزىندە بولدى.

ەركەعالي بەيسەنوۆ،

استانا