Reseıdiń taǵy bir sportshysy Qazaqstan azamattyǵyn aldy

Ishki ister mınıstri Marat Ahmetjanov men Mádenıet jáne sport mınıstri Ashat Oralov Reseıdiń burynǵy mánerlep syrǵanaýshysy Sofıa Samodelkınanyń Qazaqstan azamattyǵyn alǵanyn rastady.

IIM basshysy Úkimet kýlýarynda BAQ ókilderine bergen shaǵyn suhbatynda sportshynyń elimizdiń azamattyǵyn jalpy tártippen alǵanyn aıtty.

Jaqynda sportshy Samodelkına Qazaqstan azamattyǵyn jalpy tártippen aldy. О́ıtkeni, onyń anasy – Qazaqstan azamaty, — dedi Marat Ahmetjanov.

Mádenıet jáne sport mınıstri Ashat Oralov ta Sofıa Samodelkınanyń eshqandaı qıyndyqsyz Qazaqstan azamattyǵyn alǵanyn rastady.

Sofıa Samodelkına azamattyq aldy. Biraq qazir ol ulttyq quramanyń quramyna qosylmaǵan. Degenmen Qazaqstan Respýblıkasynyń azamaty retinde jarystarǵa qatysýǵa, jattyǵýǵa qaqy bar. Ulttyq quramaǵa irikteýdiń de ózindik tártibi bolady. Qazir quramaǵa irikteý týraly másele kún tártibinde joq, — dedi ol.

Buǵan deıin Qazaqstan konkımen júgirýshiler odaǵy Reseıdiń eks-sportshysynyń azamattyǵyn aýystyryp, Qazaqstan atynan jarystarǵa qatysqysy keletinin málimdegen bolatyn.

Sofıa Samodelkına 2007 jyly týǵan. Ol Svetlana Sokolovskaıa degen jattyqttyrýshynyń qaramaǵynda jattyqqan. 2021 jyly Slovenııada jasóspirimder arasynda ótken Gran-prı jarysynyń kúmis júldegeri, 2002 jyly Reseı birinshiligi kumis júldesiniń ıesi bolǵan.

2020 jyly Reseı kýbogynyń ıegeri, 2021 jyly Denıs Ten memorıalynyń jeńimpazy atanǵan. Basqa da týrnırler men jarystarda qurmet tuǵyrynan kóringen. Reseıdiń sport sheberi degen ataǵy bar.

Dastan KENJALIN,

ASTANA