ەۋروپا ليگاسى: «استانا» «لۋدوگورەتستى» ۇتتى (ۆيدەو)

فۋتبولدان UEFA ەۋروپا ليگاسى ءۇشىنشى ىرىكتەۋ تۋرنيرىندە «استانا» كلۋبى بولگاريانىڭ «لۋدوگورەتس»  كومانداسىمەن كەزدەسءىپ، 2:1 ەسەبىمەن ۇتتى.

بۇل ماتچتا ءبىرىنشى بولىپ «لۋدوگورەتستىڭ» ويىنشىلارى ەسەپ اشتى. 34-مينۋتتا بولگاريا كلۋبىنىڭ شابۋىلشىسى نوا سۋندبەرگ نىسانانى ءدال كوزدەدى. ودان كەيىن 40-مينۋتتا جاركو توماشەۆيچ تارازى باسىن تەڭەستىردى. وسى جەردە ايتاتىن ءبىر نارسە، «استانا» ءوز الاڭىندا ءبىرىنشى بولىپ قاقپاسىنا گول جىبەرىپ السا دا «پسيحولوگيالىق سوققىدان» وزدەرىنە تەز كەلىپ، اراعا 6 مينۋت سالعاندا ەسەپتى تەڭەستىرىپ كەتتى. بۇل دا ءبىر كوماندانىڭ ەۋروپا تۋرنيرلەرىندە ىسىلىپ، نامىستى قولدان بەرمەۋگە تىرىسىپ ويناپ كەلە جاتقانىن كورسەتەدى. ال ودان كەيىن «استانا» تاعى ءبىر دوپتى تورعا تۋلاتتى.

ماتتىڭ ەكىنشى تايمىندا الەكساندر ماروچكين مەرگەندىك تانىتتى. ول الىستان بەرىلگەن پاستى ءتيىمدى پايدالانىپ، دوپتى باسپەن قاقپانى «توعىزدىعىنا» قادادى.

وسىلايشا استانانىڭ كلۋبى قارسىلاسىنان 2:1 ەەسبىمەن باسىم ءتۇستى.

ەندى كەلەسى ماتچ 17 تامىزدا بولادى.

«استانا» ەۋروپا ليگاسى پلەي-وفف ساتىسىنا شىققان جاعدايدا نيدەرلاندتىڭ «اياكس» كلۋبىمەن كەزدەسەدى. ال ەگەر ودان ۇتىلسا، كونفەرەنتسيا ليگاسى پلەي-وفف ساتىسىندا «ۆالميەرا» (لاتۆيا) جانە «پارتيزاني» (البانيا) كوماندالارىنىڭ اراسىنداعى ويىنداردىڭ جەڭىمپازىمەن كۇش سىناسادى.

«لۋدوگورەتس» كومانداسىنا كەلسەك، بۇل كلۋب 2001 جىلى قۇرىلعان. سودان بەرى ءوز ەلىنىڭ 12 دۇركىن چەمپيونى اتانعان. كوماندا 2012 جىلدان بەرى ەۋروكۋبوك ويىندارىندا كۇش سىناپ كەلەدى. بىرنەشە رەت چەمپيوندار ليگاسى مەن ەۋروپا ليگاسىنىڭ توپتىق كەزەڭدەرىندە ويناعان.

ال، «استانا» 2015-2016 جىلعى فۋتبول ماۋسىمىندا چەمپيوندار ليگاسىنىڭ توپتىق تۋرنيرىندە ويناسا، 2016، 2017، 2018 جىلداردا ەۋروپا ليگاسىنىڭ توپتىق كەزەڭىندە سىنعا ءتۇستى.

داستان كەنجالين،

استانا