SportPress.kz Qazaqstan sport jańalyqtary
Fýtboldan UEFA Eýropa lıgasy úshinshi irikteý týrnırinde «Astana» klýby Bolgarııanyń «Lýdogore» komandasymen kezdesip, 2:1 esebimen utty.
Bul matchta birinshi bolyp «Lýdogoretiń» oıynshylary esep ashty. 34-mınýtta Bolgarııa klýbynyń shabýylshysy Noa Sýndberg nysanany dál kózdedi. Odan keıin 40-mınýtta Jarko Tomashevıch tarazy basyn teńestirdi. Osy jerde aıtatyn bir nárse, «Astana» óz alańynda birinshi bolyp qaqpasyna gol jiberip alsa da «psıhologııalyq soqqydan» ózderine tez kelip, araǵa 6 mınýt salǵanda esepti teńestirip ketti. Bul da bir komandanyń Eýropa týrnırlerinde ysylyp, namysty qoldan bermeýge tyrysyp oınap kele jatqanyn kórsetedi. Al odan keıin «Astana» taǵy bir dopty torǵa týlatty.
Mattyń ekinshi taımynda Aleksandr Marochkın mergendik tanytty. Ol alystan berilgen pasty tıimdi paıdalanyp, dopty baspen qaqpany «toǵyzdyǵyna» qadady.
Osylaısha Astananyń klýby qarsylasynan 2:1 eesbimen basym tústi.
Endi kelesi match 17 tamyzda bolady.
«Astana» Eýropa lıgasy pleı-off satysyna shyqqan jaǵdaıda Nıderlandtyń «Aıaks» klýbymen kezdesedi. Al eger odan utylsa, Konferenııa lıgasy pleı-off satysynda «Valmıera» (Latvııa) jáne «Partızanı» (Albanııa) komandalarynyń arasyndaǵy oıyndardyń jeńimpazymen kúsh synasady.
«Lýdogore» komandasyna kelsek, bul klýb 2001 jyly qurylǵan. Sodan beri óz eliniń 12 dúrkin chempıony atanǵan. Komanda 2012 jyldan beri Eýrokýbok oıyndarynda kúsh synap keledi. Birneshe ret Chempıondar lıgasy men Eýropa lıgasynyń toptyq kezeńderinde oınaǵan.
Al, «Astana» 2015-2016 jylǵy fýtbol maýsymynda Chempıondar lıgasynyń toptyq týrnırinde oınasa, 2016, 2017, 2018 jyldarda Eýropa lıgasynyń toptyq kezeńinde synǵa tústi.
Dastan KENJALIN,
ASTANA
