اقىن ورداباي ۇلى – جىل ءجۋرناليسى

بۇگىن الماتىدا əرىپتەسىمىز، بەلگىلى سپورت ءجۋرناليسى اقىن ورداباي ۇلى قازاق سپورت جəنە تۋريزم اكادەمياسى مەن «سپورت جۇلدىزدارى» رەسپۋبليكالىق عىلىمي-əدىستەمەلىك جۋرنالىنىڭ بىرلەسكەن جوباسى بويىنشا وتكىزىلگەن كونكۋرستا «جىلدىڭ ۇزدىك ءجۋرناليسى — 2017» اتالىمىنىڭ جەڭىمپازى اتاندى.

ءبىز اقىن اعامىزدى، دوسىمىزدى وسى ماراپاتىمەن شىن جۇرەكتەن قۇتتىقتايمىز! ويتكەنى، ول سپورت جۋرناليستيكاسىنداعى بارلىق قۇرمەتكە əبدەن لايىق.
اقاڭ ستۋدەنت كەزىنەن بەرى قولىنا قالام مەن ميكروفوندى قاتار ۇستاپ كەلە جاتقان əرىپتەستەرىمىزدىڭ ءبىرى. قازىر قاراپ وتىرساق، اقاڭ 30 جىلداي سپورت دەگەن سيقىرلى əلەمدە ءجۇرىپ، وسى سالانىڭ ىستىعى مەن سۋىعىنا ءتوزىپ، قىزىعى مەن شىجىعىن كورىپ كەلەدى ەكەن. ول بىرنەشە جىل بويى «راحات»، ستۆ ارنالارىندا جۇمىس ىستەدى. وسى كانالداردا «اۋىل سپورتى» دەگەن اۆتورلىق باعدارلامانى جۇرگىزدى. بۇل حابار اتى اۋىل دەپ اتالعانىمەن جالپى قازاق سپورتىنا ارنالعان بولاتىن. وندا اۋىلدىڭ شاڭىنىڭ اراسىنان شىعىپ، نەبىر بيىك بەلەستەردى باعىندىرعان تالانتتى وتانداستارىمىز كوگىلدىر ەكراننان كورىنىپ، وزدەرىنىڭ ءومىر جولدارىمەن، سىرلارىمەن بولىسەتىن. اقاڭنىڭ دا ايتارى بار ەدى. كەي جەردە كورەرمەنگە سپورتتاعى كەمشىلىكتەردى سىناپ، كەي جەردە جەتىستىكتەردى قۋانا جەتكىزەتىن.

اقاڭنىڭ تاعى ءبىر ەستە جۇرەتىن ەڭبەگىن كوپ ادام بىلە بەرمەيدى. ول ءبىر ءوزى بىرنەشە جىلدان بەرى «قازاق كۇرەسى» دەگەن جۋرنالدى شىعارىپ كەلەدى. بۇل جۋرنالدى əرىپتەسىمىز دۇنيەجۇزىلىك قازاق كۇرەسى فەدەراتسياسىنىڭ ءباسپاسوز حاتشىسى بولعاننان كەيىن شىعارا باستاعان. ءبىر قۋانارلىعى، وعان سەرىك توكەەۆ سياقتى قازاقتىڭ اپتال ازاماتتارى قولداۋ كورسەتىپ جاتىر.

ايتا بەرسەك، اقاڭنىڭ ازاماتتىعى، جۋرناليستيكاداعى ورنى تۋرالى əڭگىمە كوپ. ءبىزدىڭ ەندى ءبىر عانا ايتارىمىز بار. اقاڭ، ەڭ باستىسى باسىڭ امان بولسىن! جەڭگە ەكەۋىڭ بالالاردىڭ قىزىعى مەن قۋانىشىنا تويماي جۇرە بەرىڭدەر! وتباسىڭا باقىت، باق-بەرەكە تىلەيمىن!

داستان كەنجالين