Aqyn Ordabaıuly – jyl jýrnalısi

Búgin Almatyda əriptesimiz, belgili sport jýrnalısi Aqyn Ordabaıuly Qazaq sport jəne týrızm akademııasy men «Sport juldyzdary» respýblıkalyq ǵylymı-ədistemelik jýrnalynyń birlesken jobasy boıynsha ótkizilgen konkýrsta «Jyldyń úzdik jýrnalısi — 2017» atalymynyń jeńimpazy atandy.

Biz Aqyn aǵamyzdy, dosymyzdy osy marapatymen shyn júrekten quttyqtaımyz! О́ıtkeni, ol sport jýrnalıstıkasyndaǵy barlyq qurmetke əbden laıyq.
Aqań stýdent kezinen beri qolyna qalam men mıkrofondy qatar ustap kele jatqan əriptesterimizdiń biri. Qazir qarap otyrsaq, Aqań 30 jyldaı sport degen sıqyrly əlemde júrip, osy salanyń ystyǵy men sýyǵyna tózip, qyzyǵy men shyjyǵyn kórip keledi eken. Ol birneshe jyl boıy «Rahat», STV arnalarynda jumys istedi. Osy kanaldarda «Aýyl sporty» degen avtorlyq baǵdarlamany júrgizdi. Bul habar aty aýyl dep atalǵanymen jalpy qazaq sportyna arnalǵan bolatyn. Onda aýyldyń shańynyń arasynan shyǵyp, nebir bıik belesterdi baǵyndyrǵan talantty otandastarymyz kógildir ekrannan kórinip, ózderiniń ómir joldarymen, syrlarymen bólisetin. Aqańnyń da aıtary bar edi. Keı jerde kórermenge sporttaǵy kemshilikterdi synap, keı jerde jetistikterdi qýana jetkizetin.

Aqańnyń taǵy bir este júretin eńbegin kóp adam bile bermeıdi. Ol bir ózi birneshe jyldan beri «Qazaq kúresi» degen jýrnaldy shyǵaryp keledi. Bul jýrnaldy əriptesimiz Dúnıejúzilik qazaq kúresi federaııasynyń baspasóz hatshysy bolǵannan keıin shyǵara bastaǵan. Bir qýanarlyǵy, oǵan Serik Tókeev sııaqty qazaqtyń aptal azamattary qoldaý kórsetip jatyr.

Aıta bersek, Aqańnyń azamattyǵy, jýrnalıstıkadaǵy orny týraly əńgime kóp. Bizdiń endi bir ǵana aıtarymyz bar. Aqań, eń bastysy basyń aman bolsyn! Jeńge ekeýiń balalardyń qyzyǵy men qýanyshyna toımaı júre berińder! Otbasyńa baqyt, baq-bereke tileımin!

Dastan KENJALIN