XIX Azııa oıyndary: sportshylarǵa beriletin syıaqy mólsheri jarııalandy

Týrızm jáne sport mınıstrligi aldaǵy jazǵy Azııa oıyndarynda júlde alǵan sportshylar men olardyń jattyqtyrýshylaryna aqshalaı yntalandyrý mólsherin jarııalady.

Azııa oıyndarynyń chempıony atanǵan sportshyǵa 10 000 AQSh dollary kóleminde aqshalaı syıaqy beriledi. Al, altyn medal ıegerin jarysqa daıyndaǵan jattyqtyrýshyǵa 5000 AQSh dollary qarastyrylyp otyr.

Azııa oıyndarynyń kúmis júldegeri 5000 AQSh dollary, al jattyqtyrýshysy 3000 AQSh dollary kóleminde syıaqy alady. Sondaı-aq, qola medal enshilegen qurama sportshysyna 3000 AQSh dollary, al onyń jattyqtyrýshysyna 2000 AQSh dollary kóleminde aqshalaı yntalandyrý belgilengen, — dedi Týrızm jáne sport mınıstrliginiń resmı ókili Móldir Ábdýalıeva.

Azııa oıyndary Qytaıdyń Hanchjoý qalasynda 23 qyrkúıek pen 8 qazan aralyǵynda ótedi. О́z tarıhynda 29-shy márte jalaýyn kóteretin Azııa oıyndarynda 40-tan astam sport túrinen júldeler sarapqa salynady. Qurlyq birinshiligine 45 memleket qatysady dep josparlanyp otyr.

Azııa oıyndaryna qatysatyn ulttyq qurama jasaqtalyp, elimizdiń ár óńirinde oqý-jattyǵý jıyndaryn ótkizip jatyr. Sportshylarymyz jaqyn kúnderi Qytaıǵa attanady, — dedi mınıstrliktiń resmı ókili.

Búgin Qazaqstan boks federaııasy prezıdenti Keńes Raqyshev ta Qytaıdyń Hanchjoý qalasynda ótetin Azııa oıyndarynda júlde alǵan áıelder quramasyna syıaqy tapsyratynyn aıtty.

Onyń aıtýynsha, altyn medal úshin chempıondar 50 myń AQSh dollaryn, kúmis júldegerler 30 myń AQSh dollaryn, qola medal úshin 10 myń AQSh dollaryn alady.