SportPress.kz قازاقستان سپورت جاڭالىقتارى
ازيا ويىندارىندا تۋريزم جانە سپورت ءمينيسترى ەرمەك مارجىقپاەۆ دزيۋدودان جۇلدە العان قازاقستان ۇلتتىق قۇراماسىنىڭ سپورتشىلارىمەن كەزدەسءتى.
مينيستر قۇراما قورجىنىنا كۇمىس مەدال جەڭىپ العان ابيبا ابۋجاقىنوۆا مەن قولا جۇلدەگەر ماعجان ءشامشاديندى قۇتتىقتادى.
مەن ابيبانى وسى ناتيجەمەن قۇتتىقتايمىن! ءبىز ءبارىمىز ونى ماقتان تۇتامىز. ءسىز لايىقتى ناتيجە كورسەتتىڭىز! قازاقستاندىق پالۋانداردى قولداۋ ءۇشىن قىتايعا كەلگەن جانكۇيەرلەرگە ەرەكشە راحمەت! ولاردىڭ قولداۋى سپورتشىلارعا جىگەر سىيلادى، – دەدى تۋريزم جانە سپورت ءمينيسترى.
ابيبا ابۋجاقىنوۆا جۇلدەسىن جول اپاتىنان قازا تاپقان قۇربىسىنا ارنايتىنىن ايتتى.
وسى مەدالدى جان قۇربىما ارنايمىن. جاقىندا عانا قىرىق كۇندىك اسى بەرىلدى. سوعان قاتىسىپ وسىندا كەلدىم. ونىمەن ينتەرناتتا بىرگە وقىعانبىز، — دەدى دزيۋدوشى.
سپورتشى التىن مەدالعا سەنگەندىگىن ايتتى. مينيستر سپورتشىعا وليمپياداعا جاقسى دايىندالۋ كەرەكتىگىن ايتىپ، جەڭىس تىلەدى.
ودان كەيىن مينيستر 60 كەلىگە دەيىنگى سالماقتا قولا جۇلدەگە يە بولعان ماعجان شامشادينمەن كەزدەسىپ، ونى دا مەدالىمەن قۇتتىقتادى.
ماعجان وتە مىقتى قارسىلاسپەن جەكپە-جەكتە ناعىز مىنەز تانىتتى. مەن ونى شىن جۇرەكتەن قۇتتىقتايمىنى بوز كىلەمدەگى ەڭبەگى ءۇشىن العىس ايتامىن. بۇل ونىڭ قانجىعاسىنداعى سوڭعى ۇلكەن ماراپات ەمەس ەكەنىنە سەنىمدىمىن.
ەلىمىز ماعجان مەن ابيبامەن ماقتانادى. بۇكىل ەل ولارعا قولداۋ كورسەتىپ، ويىندارىن ءجىتى باقىلاپ وتىردى. ءبىز ءبارىمىز دە سپورتشىلاردىڭ جۇلدەسىنە ءدان ريزامىز، – دەدى تۋريزم جانە سپورت ءمينيسترى.
ۇلتتىق قۇرامانىڭ تاعى ءبىر وكىلى عاليا تىڭباەۆا ازيادانىڭ الدىندا عانا 52 كەلىگە دەيىنگى سالماق دارەجەسىندە كۇرەستى. ول ازيادادا قولا جۇلدە ءۇشىن بەلدەستى. ەرمەك مارجىقپاەۆ وعان دا الداعى تۋرنيرلەرگە دايىندىقتى كۇشەيتىپ جەڭىس تۇعىرىنا كوتەرىلۋ كەرەكتىگىن، الدا ەڭ ۇلكەن جەڭىستەر بار ەكەنىن ايتتى.
مۇنداي شەبەرلەر ءتورت جىلدىقتىڭ باستى ويىنىندا وتانداستارىمىزدى قۋانتاتىنى انىق. بۇگىن ونەر كورسەتكەن سپورتشىلارعا تاباندىلىعى مەن باتىلدىعى ءۇشىن تاعى دا العىس ايتقىم كەلەدى. قازاقستان قۇراماسى جانكۇيەرلەردى جارقىن جەڭىستەرمەن قۋانتادى دەپ سەنەمىن، — دەدى ەرمەك مارجىقپاەۆ.
فينالدا ابيبا ابۋجاقىنوۆا 48 كەلىگە دەيىنگى سالماقتا ءۇش دۇركىن الەم چەمپيونى جاپون ناتسۋمي تسۋنودامەن بەلدەسەكەن بولاتىن. وسى بەلدەسۋدە قازاقستان سپورتشىسى قارسىلاسىنان جەڭىلۋگە ءماجبۇر بولدى. ەندى ابيبا ابۋجاقىنوۆا كەلەسى جىلى پاريجدە وتەتىن وليمپياداعا دايىندالادى.
ءۇشىنشى ورىن ءۇشىن كۇرەستە ماعجان شامشادين تاجىكستان سپورتشىسى مەرزود سۋفيەۆتى جەڭدى. بەلدەسۋ 60 كەلىگە دەيىنگى سالماق دارەجەسىندە بولدى.
تۋريزم جانە سپورت مينيسترلىگىنىڭ ءباسپاسوز قىزمەتى
فوتو: تۋريزم جانە سپورت مينيسترلىگى
