XIX Azıada – 2023: týrızm jáne sport mınıstri júldegerlerdi quttyqtady

Azııa oıyndarynda týrızm jáne sport mınıstri Ermek Marjyqpaev dzıýdodan júlde alǵan Qazaqstan ulttyq quramasynyń sportshylarymen kezdesti.

Mınıstr qurama qorjynyna kúmis medal jeńip alǵan Abıba Ábýjaqynova men qola júldeger Maǵjan Shamshadındi quttyqtady.

Men Abıbany osy nátıjemen quttyqtaımyn! Biz bárimiz ony maqtan tutamyz. Siz laıyqty nátıje kórsettińiz! Qazaqstandyq palýandardy qoldaý úshin Qytaıǵa kelgen jankúıerlerge erekshe rahmet! Olardyń qoldaýy sportshylarǵa jiger syılady, – dedi týrızm jáne sport mınıstri.

Abıba Ábýjaqynova júldesin jol apatynan qaza tapqan qurbysyna arnaıtynyn aıtty.

Osy medaldi jan qurbyma arnaımyn. Jaqynda ǵana qyryq kúndik asy berildi.  Soǵan qatysyp osynda keldim. Onymen ınternatta birge oqyǵanbyz, — dedi dzıýdoshy.

Sportshy altyn medalǵa sengendigin aıtty. Mınıstr sportshyǵa Olımpıadaǵa jaqsy daıyndalý kerektigin aıtyp, jeńis tiledi.

Odan keıin mınıstr 60 kelige deıingi salmaqta qola júldege ıe bolǵan Maǵjan Shamshadınmen kezdesip, ony da medalimen quttyqtady.

Maǵjan óte myqty qarsylaspen jekpe-jekte naǵyz minez tanytty. Men ony shyn júrekten quttyqtaımynI Boz kilemdegi eńbegi úshin alǵys aıtamyn. Bul onyń qanjyǵasyndaǵy sońǵy úlken marapat emes ekenine senimdimin.

Elimiz Maǵjan men Abıbamen maqtanady. Búkil el olarǵa qoldaý kórsetip, oıyndaryn jiti baqylap otyrdy. Biz bárimiz de sportshylardyń júldesine dán rızamyz, – dedi týrızm jáne sport mınıstri.

Ulttyq quramanyń taǵy bir ókili Ǵalııa Tyńbaeva Azıadanyń aldynda ǵana 52 kelige deıingi salmaq dárejesinde kúresti. Ol Azıadada qola júlde úshin beldesti.  Ermek Marjyqpaev oǵan da aldaǵy týrnırlerge daıyndyqty kúsheıtip jeńis tuǵyryna kóterilý kerektigin, alda eń úlken jeńister bar ekenin aıtty.

Mundaı sheberler tórt jyldyqtyń basty oıynynda otandastarymyzdy qýantatyny anyq. Búgin óner kórsetken sportshylarǵa tabandylyǵy men batyldyǵy úshin taǵy da alǵys aıtqym keledi. Qazaqstan quramasy jankúıerlerdi jarqyn jeńistermen qýantady dep senemin, — dedi Ermek Marjyqpaev.

Fınalda Abıba Ábýjaqynova 48 kelige deıingi salmaqta úsh dúrkin álem chempıony japon Naýmı ýnodamen beldeseken bolatyn. Osy beldesýde Qazaqstan sportshysy qarsylasynan jeńilýge májbúr boldy. Endi Abıba Ábýjaqynova kelesi jyly Parıjde ótetin Olımpıadaǵa daıyndalady.

Úshinshi oryn úshin kúreste Maǵjan Shamshadın Tájikstan sportshysy Merzod Sýfıevti jeńdi. Beldesý 60 kelige deıingi salmaq dárejesinde boldy.

Týrızm jáne sport mınıstrliginiń baspasóz qyzmeti

FOTO: Týrızm jáne sport mınıstrligi