Ásem Orynbaı men Edýard Eщenko – Azııa oıyndarynyń chempıony!

Qytaıdyń Hanchjoý qalasynda ótip jatqan HIH jazǵy Azııa oıyndarynda Ásem Orynbaı men Edýard Eщenko stendtik atý týrnıriniń aralas juptyq saıysynda altyn medal jeńip aldy. «Skıt» jattyǵýynyń fınalynda ulttyq qurama sportshylary kýveıttik mergender – Eman Álshamaa men Abdýlla Ál-Rashıdıden basym tústi. Qorytyndy esep –40:35.

Qatar quramasy Bahreınnen basym túsip, qola medal aldy. Ekinshi qola Qytaı sportshylaryna buıyrdy.

Sál erterek Ásem men Edýard irikteýde 148 upaı jınap, ekinshi orynmen fınalǵa joldama alǵan bolatyn.

Bizdiń mergender taǵy da keremet nátıje kórsetti. Sportshylardy, jankúıerlerdi jáne árıne, komandanyń jattyqtyrýshylar shtabyn osy jeńispen quttyqtaımyn! Búkil el mergenderimizben maqtanady. Bul jeńis myńdaǵan qazaqstandyq jetkinshekterdi osy sport túrimen aınalysýǵa shabyttandyratynyna senimdimin, — dedi týrızm jáne sport mınıstri Ermek Marjyqpaev.

Ásem Orynbaı men Edýard Eщenko osyǵan deıingi birqatar halyqaralyq básekede birge sátti óner kórsetip, elimizge tarıhı júlde syılap úlgerdi. Atap aıtar bolsaq, bıyl mamyrda Almatyda ótken reıtıngtik Álem Kýbogynda olar kúmis júldeger atandy. Sosyn, jazda Italııadaǵy Álem kýbogynda aralas juptar arasynda úshinshi oryn alǵan.

Al byltyr qazan aıynda Horvatııanyń Osıek qalasyndaǵy álem chempıonatynda Ásem Orynbaı men Edýard Eщenko skıt baǵdarlamasynda qola júldeni ıelengen.

Bul — elimizdiń ulttyq quramasynyń Azıadadaǵy úshinshi altyn júldesi. Buǵan deıin Ásem Orynbaı, Zoıa Kravchenko jáne Olga Panarınadan jasaqtalǵan Qazaqstannyń áıelder komandasy «skıt» jattyǵýynda altyn medal jeńip alyp, Azııa oıyndarynyń rekordyn jańartty. Al jekeleı synda Ásem Orynbaı qola júldege ıe boldy.

Eske salsaq, Hanchjoýdaǵy Azıadaǵa Qazaqstannan sporttyń 30 túrinen 524 sportshy (262 er jáne 262 áıel) qatysyp jatyr. Onyń 27-si olımpııalyq baǵdarlamaǵa kirse, qalǵan 3-i olımpııalyq emes sport túrleri. Sonymen qatar, Azıadada 8 sport túrinen, atap aıtqanda, boks, sadaq atý, qazirgi bessaıys, júzý, breıkıng, kógaldaǵy hokkeı, tennıs jáne jeńil atletıka boıynsha Parıj Olımpıadasyna  lıenzııalar sarapqa salynady.

Jalpy alǵanda, Azııanyń 45 elinen 15 myńnan astam sportshy 40 sport túrinen 481 medal jıyntyǵyna talasyp jatyr.

Shamken BAIYRBEK,

HANChJOÝ

FOTO: Týrızm jáne sport mınıstrligi