SportPress.kz قازاقستان سپورت جاڭالىقتارى
قىتايدىڭ حانچجوۋ قالاسىندا ءوتىپ جاتقان IV پارا ازيا ويىندارىندا قازاقستان سپورتشىلارىنىڭ قورجىنى تاعى ەكى مەدالمەن تولىقتى. پارا كانوەدان جالعاس تايكەنوۆ 43،369 سەكۋند ناتيجەسىمەن ەكىنشى ورىندى يەلەنسە، تاعى ءبىر سپورتشىمىز بيبارىس سپاتاي جارىستىڭ وسى تۇرىنەن كۇمىس جۇلدەنى يەلەندى.
بۇعان دەيىن پاۋەرليفتەر داۆيد دەگتيارەۆ العاشقى التىن مەدالدى جەڭىپ العان ەدى. ودان كەيىن
قازاقستان قورجىنىنا تاعى ءبىر التىن مەدال ءتۇستى. ونى پارا دزيۋدودان J2 cاناتى بويىنشا 48 كەلى سالماقتا ونەر كورسەتكەن اقمارال بارلىق قارسىلاسىن جەڭىپ الدى.
ونىڭ الدىندا قورجىنعا العاشقى مەدالدى جاڭىل بالتاباەۆا سالدى. ول پاراكانوەدا 200 مەتردە باق سىناپ، قولا مەدالدى ەنشىلەدى.
سونداي-اق بيبارىس سپاتاي پارا ازيا ويىندارىندا كۇمىس جۇلدەگە يە بولدى. ول پارا كانوەدان 43.601 سەكۋند ناتيجەسىمەن ەكىنشى ورىندى يەلەندى.
داستان كەنجالين،
استانا
فوتو: تۋريزم جانە سپورت مينيسترلىگى
