SportPress.kz Qazaqstan sport jańalyqtary
«Sport» gazetteriniń osy ǵasyrdyń alǵashqy jyldarynan beri ótkizip kele jatqan «BIR ATANYŃ BALALARY FÝTBOL OINAIDY» atty shaǵyn fýtboldan januıalyq komandalar arasyndaǵy jarysy bar bolatyn. О́zim oılap tapqan, qaqysy ózimde ǵana bolǵan osy jarys 20 jylǵa taıaý ýaqytta januıalyq komandalardyń qýanyshy boldy desem artyq emes.
Bir atanyń urpaqtary bir komandaǵa birikken kezde týystyq sezim, baýyrlasý kúsheıip, otbasynyń birligi arta túsetinine daý joq. Ári bul jarys fýtbol sekildi mıllıondar ónerine balalardy baǵyttaýdyń keremet úlgisi. Mysaly, Qazaqstan qurama komandasynda oınaǵan Jambyl Kókeevtiń 11-12 jasynda osy týrnırge qatysyp, jigit bolyp, úlken fýtboldyń sheberi bolǵansha da, odan keıin de osy jarystan qol úzbegendigin maqtanyshpen aıta alamyn. Kókeevter januıalyq komandasyn qalaı maqtasa da artyq emes. Olar osy jarystyń 6 dúrkin chempıondary! Jáne jyl saıyn olar jańa bir sábılerin osy jarysqa qatystyrady. Búginde Jiger, Jambyl, Meıirjan Kókeevter týrnırdiń úzdikteri atanyp úlgerdi. О́kinishtisi, búginge deıin bul bastamanyń turaqty demeýshisi joq, jyl saıyn árkimge jalynyp-jalpaıyp ótkizip júrmiz. Átteń bılik basyndaǵy bireýdiń quryǵanda qudasy bolsam ǵoı, jan-jaǵymda kómek berip, demeýshilik jasap, júgiretinder bolar edi-aý dep armandaımyn búgin…
Aqyry sol joqtyqtyń zardabynan jarysty qurtyp tyndyq. Bıyl jarys Almatyda ótken. Kásibı tóreshiler bir jarym kúngi jarysty ótkizip berýge ákesiniń qunyn suraıdy, sondyqtan da jas, tájrıbeleri azdaý tóreshiler shaqyrǵanbyz jarysqa. Almatylyq Saýranbaevtar komandasy shyǵysqazaqstandyq Jaqsylyqovtarmen oıyn kezinde oıyn tártibin buzady. Eki komanda ustasyp qalady. Tóreshi tym shekten shyqqan Saýranbaevqa sary qaǵaz kórsetse, ol alań ústinde tóreshini jaǵasynan ala ketedi. Tóreshi qyzyl qaǵaz kórsetse, sart etkizip aýyzdan qoıyp jiberedi. Erni jarylyp, aýzy qanaǵan tóreshige ózge Saýranbaevtar da tap-tap beredi. Komandany tártipke shaqyrǵan jarys sekretaryn artynan kelip uryp, edenge qulatyp, shekesin jarady da jatqan jerinde teýip, betine jara salady. Sóıtip jarysqa kómekke kelgen stýdent tóreshiler úılerine jaraqat alyp, qan jalap qaıtty.
Bul aıqaı-shýdy estip kelesi zalda ótip jatqan oıyndy tastap júgirip kelgen meni Saýranbaevtardyń eshqaısysy quıryǵyna da qystyrǵan joq. Istegen tártipsizdigi úshin keshirim surap, jas tóreshilerge meıirim kórsetpek túgili, meniń nemeremmen jasty kelinshekteri: «О́ziń kinálisiń, nege tájirıbeli tóreshi almaısyń!» dep maǵan shaq-shaq etkende, men bul januıadan kúder úzdim! Jigitteriniń bireýi áıelderine «Qoı, uıat bolady!» demedi-aý demedi. Men sodan-aq bul tuqymdaǵy tártip pen tárbıeden túńildim. Sonda bul januıa jarysqa fýtbol oınaý úshin emes, tóbeles, qan izdep kelgen be?.. Tóreshi balalar jaralaryn jazýǵa jarysty tastap ketti. Men uzaq oılanyp, jarysty osy kezeńnen úzdim de, erteńine qalǵan qarjyny jeńilmegen komandalarǵa teń bólip berip, sonaý 2001 jyldan beri ótip júrgen jarystyń úsh jyl boıy ótkizilmeıtinin habarladym. Basqa amal joq edi. Saýranbaevtar otbasy sekildi januıalyq komandanyń úlgisimen fýtbol alańynda ne oıynshy, ne tóreshi ólip ketýinen qoryqtym. Sol qaqtyǵystyń ústine osy týrnırdiń birinshi kúninen beri qatysyp kele jatqan Jaýǵashovtar komandasy kelip qalyp, tártip ornatpaǵanda, ol alańda ne bolatyny belgisiz edi. Qudaı saqtady qaıta!
О́zge komandalar meniń sheshimimdi úlken ókinishpen qabyldady. Biraq basqa jol kórmedim. Obaly Saýranbaevtarǵa! Ásirese, aǵa-ákelerine erip kelgen 12-15 jasar jas Saýranbaevtar ne oılady eken? Ákelerimiz, aǵalarymyz bizden 3-4-aq jas úlken balalardy qan qylyp urǵany erlik dep oılady ma?! Múmkin bul tuqymda jaǵa jyrtý, judyryq jumsaý atadan qalǵan mura shyǵar?! Beti aýlaq, endi bul jarys jalǵasatyn bolsa, Saýranbaevtardy jarystyń mańynan da júrgizbeý kerek. Osyndaı buqaralyq jarystyń tamyryna balta shapqan Saýranbaevtardyń úlgisi qoǵamymyzda kóbeıip ketpese eken dep tilep júrmin búginde Alladan!
N.JÚNISBAIULY,
Joba avtory, Qazaqstannyń eńbek sińirgen qaıratkeri.
Astana qalasy
