Жыл бойы жеткен жетістіктер

«Біліп алып саяңнан», демекші жыл бойы біліп ала жүріп, жаттығуын тастамай  биіктерге жеткен жасөспірімдер жазғы демалысқа көңілді күймен шықты.

К.Ахметов атындағы Олимпиада резервінің республикалық мамандандырылған мектеп-интернат колледжінің  оқушылары мен студент жастары биылғы оқу жылын аяқтап, жазғы демалыстарына  аттанды.

«Оқу инемен құдық қазғандай», демекші жыл бойы мектеп қабырғасында білімін шыңдаған оқушылар үшін демалыс қажет-ақ. Міне, көптен күткен демалыс айлары да келіп жетті. Қазақстанда дарынды жасөпірімдердің қанатын қатайтып, ұлттық құраманың жейдесін киіп, әлем жарыстарында ел намысын абыроймен қорғайтын ұл-қыздарды тәрбиелеп шығарып жатқан К.Ахметов атындағы білім мен спортты ұштастырған шаңырақ тарихы да тереңнен бастау алған.

Бұл білім шаңырағы сонау 1989 жылы №2 Олимпиадалық резерв училищесі болып ашылса, 1994 жылы Олимпиадалық резерв училищесіне Каркен Ахметов аты беріледі.

1998 жылдан бастап К. Ахметов атындағы спорттағы дарынды балаларға арналған республикалық мамандандырылған мектеп-интернат-колледжі болады. 2012 жылы РСМИ негізінде Олимпиадалық резерв колледжі болып ашылып, қазіргі уақытта «Кәркен Ахметов атындағы Олимпиада резервінің республикалық мамандандырылған мектеп-интернат-колледжі» аталынады. Міне, осы аралықта таланттарды танытқан  тәрбие ордасынан шыққан  аты әйгілі спортшылардың қатары қалың.  Айталық, Елдос Сметов Олимпиаданың алтын жүлдесін жеңіп алса,  Асхат Житкеев күміс жүлдені иеленгенін білеміз. Ал сол  аттары аталған қос дарабоз балуанымыз  Каркен Ахметов атындағы Олимпиада резервінің республикалық мамандандырылған мектеп-интернат колледжінің  болат қыран түлектері.  Сонымен қатар, бүгінгі таңда айтулы спорт мектебінің қабырғасынан дәріс алып, дзюдо спортында алдыңғы буын әйгілі ағаларының жолын абыроймен жалғастырушы жастар қатары өсіп келеді.

Жазғы демалысқа аттанар алдында оқушылар мен студенттердің жыл бойы алған білімдерінің нәтижелері шығып, кейбірі жақсы жетістіктерімен қуанып жатса, кейбірі оқу үлгерімінің төмендігінен  көздерінде  мұң бар. Дегенменде тарихы терең кеткен  мектеп-интернат колледждің оқушылары  ешқашан жерге қаратқан емес. Биыл да солай болды. Білім мен спортты қоса алып жүрген жасөспірім дарынды балалар халықаралық, әлемдік жарыстарда ел намысын абыроймен қорғап қана қоймай, өздері  білім алып, спортпен шыңдалып  жатқан К.Ахметов атындағы Қаркен Ахметов атындағы Олипиадалық резервінің арнайы республикалық мамандандырылған мектеп-интернат колледжінің атын шығарып келеді. 2024 пен 2025 жылғы оқу жылы барысында 82 оқушы атттестат алған екен. Оның ішінде 42 білім алушы «Денешынықтыру және спорт» мамандығы бойынша колледжі аяқтап, соның ішінде жаттақтырушы-оқытушы біліктілігіне ие болған. Ал жекелей тоқтала кетсе, спорттық разрядты үш адам алса, 82 студент Қазақстан Респубикасының спорт шеберіне үміткер болған. 26 шәкірт Қазақстан Республикасының спорт шебері және 13 саңлақ халықарылық  дәрежедегі спорт шебері атағына табан ақы маңдайтерлерімен қол жеткізген.

Міне, осындай толғай табыстармен  жалынды спортшылар жылды қорытындылап отыр. Солардың арасында халықаралық, Азия және әлем жарыстарында ел қоржынына жүлде салған бірегей таланттарды екшелеп атай кетсе артық болмас еді. Солардың арасында  әрбір спорт түрлерінен әлем чемпионаты, Әлем кубогы, Азия жарыстары, халықаралық жарыстар мен Қазақстан бірншіліктерінде жүлде салған жеңімпаздар мен жүлдгерлердің есімдерін тілге тиек ете кетейік.

Мысалы, Айғаным Аскарқызы Саим, Арина Сергеевна Мясникова, Азат Жанабайұлы Күмісбаев, Мұхаммедали Мауленұлы Жылқайдар, Батыржан Ержанұлы Тоқтар, Ерасыл Сегізбайұлы Сәтінбек, Кирилл Дмитриевич Проходов, Полина Витальевна Ко, Ерхан Болатұлы Қараман, Нұртай  Нариқұлұлы Наров, Александр Иванович Румынский,  Федор Петрович Диденко, Анфиса Владиславовна Иванова, Досжан Бағланұлы Өмірсерік, Кирилл Станиславович Третьяков, Жансерік Мұстафаұлы Рахматуллин, Әміржан Асхатұлы Ерболат, Әлихан Талихан,  Альдер Нұркенұлы Ергешов үлгілі оқуларымен бірге спорттың  барлық түрлерінен мектеп-интернат колледждің ғана емес, еліміздің мақтаныштары болып отыр.

Биылғы жылы бір оқушы «Алтын белгімен» бітірсе, екі оқушыға үздік аттестат берілді.  Атап көрсетсек, Дана Абдраимова «Алтын  белгі» төс белгісі  және «Алтын белгі»  аттестаты табыс етілді. Мақпал Қалмұрзаева мен Мария Лесовская «Үздік» аттестат алды. Ал 2024-2025 оқу жылында колледж түлектері 42 студент болса, оның ішінде 6 түлек үздік дипломға үміткерлер қатарында тұр.

Міне, К.Ахметов атындағы ОРРММИК дарынды   оқушылары мен студенттері 2025 жылдың жазғы  үш ай демалысына осындай үлкен жетістіктермен шығып барады. «Бұлақ басынан тұниды», демекші, дарынды жасөспірімдердің толыққанды білім алып, шеберліктерін шыңдап толассыз төгіп жатқан еңбектері ескеріліп барлық жағдайды жасап беріп отырған мектеп ұжымы мен басшылығына айтар алғыс орынды болар. Өйткені, жағдай жасалап, қамқорлық қолы білінген жерде табыс та көп күттірмесі анық. Бұл заңдылық аксиома. Оқушылардың аттестат алар қуанышты сәттері де лайықты ұйымдастырылды. К.Ахметов атындағы ОРРММИК директоры Жайдар Нұрахметұлы  Сайлаубаев пен оның орынбасарлары Жанна Байдуллақызы мен Салтаннат Орынқызы жылдың үздік атанған оқушылары мен студенттерін құрметпен мараптаттап, қолдарына аттестатты табыс етті. Айтулы мектеп ұжымы шәкірттерінің жоғары оқып бітулеріне толықтай мақтана алады.  К.Ахметов атындағы Олимпиада резервінің республикалық мамандандырылған мектеп-интернат колледжінің  негізгі міндеттерінің бірі – жақсы спорт резервін дайындау, еліміздің ұлттық құрама командаларына үміткерлерді, спорт саласында орта арнаулы білімі бар мамандарды даярлау.  «Болат қайнауда шынығады, батыр майданда шынығады», деген екен бабаларымыз.

Жаттығуында шынығып, әлем жарыстарында еліміздің намысын қорғайтын жасұландарды тәрбиелеп жатқан алтын діңгеңті  берекелі шаңырақтан талантты  спортшылардың көптеп шығатынына бек сенімдіміз.

 

Ақын ОРДАБАЙҰЛЫ,

АЛМАТЫ